لما ایشیا

لما ایشیا یا جنوبی ایشیا (انگریزی: South Asia)، براعظم ایشیا دے لمے پاسے وچ واقع دیساں اُتے مُشتمل خِطے نوں کہیا جاندا ہے ۔ لموچی ایشیائی دیس : پاکستان ، بھارت ، نیپال ، بھوٹان ، بنگلا دیش ، سری لنکا تے مالدیپ ۔ ایس توں علاوا اِنڈک ساگر وچ برطانوی مقبوضات وی لمے ایشیا وچ شمار کیتے جاندے نیں ۔ ایس توں علاوہ ثقافتی وجوہات دی بناء اُتے تبت نوں وی لمے ایشیا وچ شمار کیتا جاندا ہے ۔ لمے ایشیا نوں برصغیر پاک و ہند وی کہیا جاندا ہے ۔ ایہہ خِطا لہندے ایشیا ، وچکارلے ایشیا ، چڑھدے ایشیا تے لموچی چڑھدے ایشیا دے وچکار واقع ہے ۔ لمے ایشیا دے دیس علاقائی تنظیم سارک دے رکن وی نیں ۔

جغرافیائی اصطلاح

جغرافیائی طور تے برصغیر دی اصطلاح اس علاقے لئی ورتی جاندی ہے جیہڑا ہندی پرت تے قائم ہے جیہدے اُبھے پاسے یوریشین پرت ہے۔ سیاسی طور تے اس اصطلاح چ ہندی پرت دے باہرلے علاقے وی شامل کیتے جاندے نیں، پاکستان وچ دریائے انڈس دے لہندے پاسے وچ واقع علاقے تریخی وجہاں دی بنا تے کدی کدائیں وچکارلے ایشیا وچ شمار کیتے جاندے نیں ، جیہدی اک مثال صوبا بلوچستان ہے جیہڑا ہندی پرت تے قائم نئیں بلکہ ایران پٹھار دے کنڈھیاں تے واقع ہے۔

تریخ اَتے اعداد و شمار

لما ایشیا دی تریخ ماضی وچ باہرلے حملہ آوراں دی زد چ رہیا ہے ایس لئی ایہدی ثقافت وی مختلف قوماں دے ملاپ نال بنی ہے ۔ پر لوکں دی اکثریت ہندو مت تے اسلام نوں مَندی ہے ۔ ایسے لئی لمے ایشیا دی رہتل تے دوناں مذہباں دی گوڑھی چھاپ ہے۔

لما ایشیا جگ دے گنجان آباد ترین علاقیاں وچ شمار ہُندا ہے۔ ایتھے تقریباً 1 ارب 60 کروڑ لوک رہندے نیں ۔ جیہڑا دنیا دی کل آبادی دا پنجواں حصہ ہے۔ ایتھے آبادی دی کثافت 305 بندے فی مربع کلومیٹر ہے جیہڑی دنیا بھر دی اوسط کثافت توں 7 گُݨا ودھ ہے۔

ہور دیکھو

ایشیا دے خطے

باہرلے جوڑ

برصغیر
بی بی سی اُتے لمے ایشیا دیاں خبراں Archived 2009-11-12 at the وے بیک مشین