دیر آلی پعاری بمباری
دیر آلی پعاری بمباری سورجی پربندھ دے اندرلے 4 پاندھی: عطارد، وینس، زمین تے مریخ اتے کوئی 3۔8 توں 4۔1 ارب وریاں پہلاں تارے ورگیاں دی بمباری نوں کیندے نیں۔ ایہ بمباری اس ویلے ہوئی جدوں اے پاندھی بلکل نوے نوے بنے سن تے ہلے تک اپنا پورا وزن بنا رۓ سن۔ دیر آلی پعاری بمباری دا ثبوت ناسا دی اپولو مشن آلی خلابازاں نے چن دے وٹیاں دی مورت چ لبیا۔ جدوں اوناں وٹیاں نوں ویکھیا گیا تے پتہ چلیا کہ چن دے اتے بوت سارے کھڈے اکو ویلے دے گرد ای بنے سن۔
دی آلی پعاری بمباری دی ٹھیک وجہ گروواں نوں نئیں پتہ مگر خیال کیتا جاندا اے کہ جدوں سورجی پربندھ چ گیس جن بنے سن، اوناں نیں اپنی کچھ نال تارے ورگیاں نوں اندر دے سورجی پربندھ دے پاندھیاں ال سٹ دتا۔ مگر کئی گرو اس خیال دے خلاف وی گل کردے نیں۔ انسانی خلائی مشن ای اس گل دا ٹھوس ثبوت لب سکدے نیں۔