چین دی کندھ
چین دی کندھ پتھر تے مٹی دی بنی ہوئی اک وڈی تے تریخی کندھ اے۔ ایہ کندھ چین نوں اوہدے اتلے پاسے دے دشمݨاں توں بچاوݨ آلی اک کندھ اے۔ جیہڑی ڈھائی ہزار ورھیاں پہلاں بݨائی گئی تے فیر مرمت کر کے دوبارہ وی بار بار بنائی گئی۔ کندھ دی لمبائی 6700 کلومیٹر یا 4160 میل اے۔ ایہ چڑھدے پاسیوں شان ہائی کوان توں لے کے لہندے پاسے ول لوپ نر تک جاندی اے۔ ایہدے بچاء واسطے 10 لکھ لوک مخصوص سن تے ایہنوں بݨاوندے ہوئیاں 20 توں 30 لکھ چینی وی مارے گئے۔ہݨ ایہدے کئی حصے کھنڈر بݨ چکے نیں تے تقریباً معدوم ہو چکے نیں۔ ایہدے باوجود ایہ دنیا بھر دے سیاحاں دی توجہ دا گڑھ اے۔ ایہدی تریخی اہمیت اے تے ایہ جگ دے چِروکے فنِ تعمیر دے مہان عجوبےآں وچوں اک اے۔
چین دی تریخ وچ تن مہان برادریاں 'کن، ہان تے منگ' رۓ نیں۔ چین دی ایس عظیم کندھ دی تعمیر دا سہرا ایہناں خانداناں نوں جاندا اے۔
