رالف لنٹن

رالف لنٹن
جم	27 فروری 1893   فلاڈیلفیا
وفات	24 دسمبر 1953 (60 سال)  نیو ہیون
شہریت	امریکا
رکن	امریکی اکادمی برائے سائنس و فنون ،  فی بیٹا کاپا سوسائٹی ،  قومی اکادمی برائے سائنس
عملی زندگی
مادر علمی	ہارورڈ یونیورسٹی کولمبیا یونیوسٹی یونیورسٹی آف پنسلوانیا
پیشہ	ماہر انسانیات ،  ماہرِ عمرانیات
پیشہ ورانہ زبان	انگریزی
ملازمت	ییل یونیورسٹی ،  کولمبیا یونیوسٹی
عسکری خدمات
لڑائیاں تے جنگاں	پہلی وڈی لڑائی
اعزازات
فیلو آف امریکن اکیڈمی آف آرٹ اینڈ سائنسز

رالف لنٹن امریکی انتھراپولوجسٹ اے۔ اوہ اپنیاں دو کتاباں "د سٹڈی آف مین" 1936 اتے 'دِ ٹریء آف کلچر' 1955 لئی جانیا جاندا اے۔ اسنوں 1951 وچ "وائیکنگ فنڈ" میڈل ملیا۔ مانو سائنس نوں اسدی اہم دین "رتبے اتے کردار" (Status and Role) وچ فرق نوں متاثر کرنا سی۔

مڈھلا جیون اتے سکھیا

رالف لنٹن دا جم 27 فروری 1893 نوں فلڈیلفیا، پینسلوینیا، امریکہ وکھے وپاریاں دے اک پروار وچ ہویا اتے اسدی موت 60 سال دی عمر وچ 24 دسمبر 1953 نوں 'نیو ہیون، کونیکٹیکٹ' وکھے ہوئی۔

سکھیا

اوہ 1911 وچ سوارتھمور کالج وچ داخل ہویا۔ اسنے پینسلوینیا دی یونیورسٹی توں ماسٹر دی ڈگری کیتی اتے نال ہی نیو جرسی تے نیو میکسیکو وچ پراتتوی کھیتری کم جاری رکھیا۔

فوجی جیون

جدوں امریکہ پہلی عالمی جنگ وچ شامل ہویا، اس ویلے لنٹن نے فوج وچ 1917 تک فرانس وچ سیوا نبھائی۔ اس فوجی تجربے دا اثر اس دے کم تے پیا۔ اس دے پہلے شائع ہوئے لیکھاں وچوں اک سی “ٹوٹیمزم اینڈ دِی اے۔ای۔ایف”، (جو کہ امریکن اینتھروپولوجسٹ والیئم 26: 294-300 وچ چھپیا) جس وچ اسنے کیہا کہ جہڑے طریقے نال فوجی اکائیاں نوں اوہناں دے پرتیکاں راہیں پچھانیا جاندا اے، اس نوں "ٹوٹمواد" دی اک قسم سمجھیا جا سکدا اے۔

فوج توں واپسی مگروں جیون

امریکہ واپس آؤن توں بعد اوہ کولمبیا توں ہارورڈ" آ گیا تے ارنیسٹ ہوٹن، الفریڈ ٹوزر اتے رولینڈ ڈکسن نال پڑھائی کیتی۔ اس نے میسا ویردے وچ اتے پھر اک ریسرچ ٹیم دے میمبر دے طور تے کم وی کیتا۔ کجھ ویلے لئی اسدا دھیان 'آثار قدیمہ سائنس' توں ہٹّ کے انتھراپولوجی تے ہو گیا اتے اسدی دلچسپی مادی سبھیاچار تے پرمٹو آرٹ وچ وی رہی۔ اسنے 1925 وچ ہارورڈ یونیورسٹی توں پی ایچ ڈی۔ دی ڈگری کیتی۔

اکادمک کریئر

شکاگو دے مقامی عجائب گھر وچ اسدی تعیناتی مول امریکی سامان دے نگران دے طور تے ہوئی۔ اتھے اسنے ویاکھیاکار اتے لکھاری "ہولنگ کلینسی ہولنگ" نال کم کیتا۔ آسٹرونیشیئن ڈائسپورا دے مغربی حصے وی پڑچول لئی اسنے مڈگاسکر دا دورہ کیتا جدکہ اسے سبھیاچار دے پوربی حصے دا مطالعہ اسنے مارکیساس وچ کیتا۔ مڈگاسکر وچ اسدے مقامی مطالعہ دا نتیجہ ‘دِی ٹنالا: ا ہل ٹرائیب آف مڈگاسکر` (1933) (The tanala: A Hill Tribe of Madagaseer) کتاب دے روپ وچ نکلیا۔ امریکہ واپس آؤن توں بعد رالف لنٹن نے وسکانسن-میڈیسن یونیورسٹی وچ عہدہ سمبھالیا تے اتھے رہندیاں اپنی معلمی اہلیت دا وادھا کیتا اتے اک نظریہ کار دے طور تے ابھریا۔ اس دے کجھ طالب علم ودھیا " انتھراپولوجسٹ" بنے جنہاں وچوں 'کلائیڈ کلوکہون'، 'مارون اپلر'، 'فلو نش' تے 'سول ٹیکس' مکھ ہن۔

نجی جیون تے اکادمک اختلاف

رالف لنٹن نے ایڈیلن ہولفلیڈ نال تیجا ویاہ کروایا جو کہ اسدی سیکریٹری تے اڈیٹر وی سی۔ 1937 وچ فرانز بوس دی رٹائرمینٹ توں بعد اوہ مانو سائنس ڈیپارٹمنٹ دا مکھی بنیا۔ بوس دے کجھ طالب علماں نے اسدا خلاف کیتا کیونکہ اوہ 'رتھّ بینیڈکٹ' نوں فرانز بوس دی جانشین بناؤنا چاہندے سن۔ لنٹن نے اوہناں تے سامسٹ ہون دا الزام لگایا تے ایف۔بی۔آئی۔ کول اوہناں خلاف شکایت کیتی۔ اپنی زندگی دوران اوہ بوسیئنس خاص کر رتھّ بینیڈکٹ تے سبھیاچار تے شخصیت متعلق پہنچ دا کرڑا نقاد کیہا۔ دوجی عالمی جنگ دوران لنٹن لڑائی دی موصوبہ بندی وچ شامل ہویا۔ لڑائی توں بعد 1946- 1953 تک 'ییل یونیورسٹی' وچ تدریس دا کم کیتا۔ اسنوں 1950 وچ "امریکن اکیڈمی آف آرٹس اینڈ سائنسز" دا میمبر چنیا گیا۔

کم

1936 وچ رالف لنٹن دی کتاب ‘دی سٹڈی آف مین` چھپی، جسنے اس نوں سماج شاشتریاں وچ مانو سائنس دے پہلے نظریہ کار دے طور تے قائم کیتا۔ اسنے بوسیئن مکھدھارا توں باہر رہِ کے کم کیتا۔ اس کتاب وچ اسنے سبھیاچار دے سروپ بارے اپنے وچار پرگٹاوے تے سماج وچ وہار دے پیٹرن درساؤن لئی رتبے تے کردار (Status and Role) دے سنکلپاں دا پھلار کیتا۔ اسنے کیہا کہ انسان دا رتبہ اس نال پہلاں توں ہی جڑیا نہیں ہندا بلکہ اوہ اس دا حصول کردا اے۔ اسدی 1955 وچ چھپی کتاب ‘د ٹری آف کلر` وچ انسانی سبھیاچار بارے سروویاپی مختصر جانکاری درج اے۔ اسنے 'رابرٹ ریڈفیلڈ'اتے 'میلولے ہیرسکووٹس' نال مل کے "اسبھیاچاریکرن" (acculturation) تے کم کیتا اتے ستّ مول امریکی قبیلیاں وچ اسبھیاچاریکرن اتے مطالعہ کیتا۔

موت

دکھنی امریکہ دے دورے دیاں گنجھلاں کارن 1953 وچ اس دی موت ہوئی۔ اسدی بیوی 'ایڈیلن ہوہفیلڈ لنٹن' نے ہی سدی "د ٹری آف کلچر" نامی کتاب نوں پورا کیتا۔

حوالے