رضیہ سلطانہ (سیاستدان)

وکیپیڈیا توں
Jump to navigation Jump to search

رضیہ سلطانہ اک بھارتی سیاستدان ہے، جو ملیرکوٹلا صوبائی اسمبلی حلقے توں پنجاب صوبائی اسمبلی دی میمبر ہے۔[1] اتے پنجاب اسمبلی دی اکو اک مسلمان میمبر ہے۔[2] اس نوں 2002, 2007 اتے 2017 وچّ پنجاب اسمبلی لئی 3 وار چنیا ہے۔ سلطانہ انڈین نیشنل کانگرس دی سرکار وچّ صوبائی وزیر ہے۔ اس نے پنجاب صوبائی اسمبلی چوناں 2017 وچّ اپنے ہی بھرا محمد ارشد (عام آدمی پارٹی) نوں ہرایا۔

نجی زندگی[لکھو]

رضیہ سلطانہ دا جنم درمیانے مسلمان گجر پروار وچّ ملیرکوٹلا وچّ ہویا سی۔ اوہ آئی.پی.ایس. افسر محمد مصطفے آئی پی ایس ڈی جی پی پنجاب دی بیوی ہے۔ انہاں دے 2 بچے ہن ۔

سیاسی جیون[لکھو]

2000 دے شروع وچّ، اوہ پنجاب دی سرگرم سیاست وچّ شامل ہوئی سی۔ اس نے 2002 وچّ بھارتی قومی کانگرس وچّ امریندر سنگھ دی اگوائی وچّ پنجاب اسمبلی چون ملیرکوٹلا توں لڑی اتے چنگے فرق نال جتی سی۔ اس نوں پنجاب اسمبلی لئی 2007 وچّ دوجی وار چنیا سی۔ 2012 وچّ، اوہ سیٹ جتن وچّ ناکام رہی سی لیکن 2017 وچّ اوہ مالیرکوٹلا توں پھر سیٹ دی نمائندگی کر رہی ہے۔  اس نے 2017 پنجاب اسمبلی چون وچّ اپنے ہی بھرا محمد ارشد (عام آدمی پارٹی) نوں ہرایا۔ سلطانہ انڈین نیشنل کانگرس دی وزیر ہے۔

حوالے[لکھو]