روبن شرباٹسکی

وکیپیڈیا توں
Jump to navigation Jump to search

روبن چارلس شرباٹسکی، جونیئر۔ (جم جولائی 23، 1980) کارٹر بیس اتے کریگ تھومس ولوں "ہاؤ آئی میٹ یوئر مدر" ناٹک وچ بنایا اک خیالی کردار اے جو کنیڈیئن ایکٹرنی کوبی سملڈرس ولوں نبھایا گیا اے۔

بچپن[لکھو]

روبن چارلس شرباٹسکی دا جم روبن چارلس شرباٹسکی (سینئر) دے گھر 23 جولائی 1980 نوں ہویا| اصل وچ اس ناٹک وچ وکھایا جاندا اے کی روبن چارلس شرباٹسکی (سینئر) ہمیشہ توں اک منڈا چاہندا سی، تے اسے واسطے اوہ اپنی دھی روبن نوں پتاں وانگوں پالدا اے۔ پر ایہہ سلسلہ اوہدوں ختم ہندا اے جدوں اوہ اپنی 14 سالاں دھی نوں اپنے ہاکی ٹیم دے کھڈاری نوں چمدے ویکھدا اے۔ اس توں بعد روبن اک کنیڈیئن پاپسٹار "روبن سپارکلس" بن جاندی اے۔ اس ناٹک وچ اس ولوں گائے گئے کئی گیت دکھائے جاندے ہن جویں کی "Let's Go To the Mall"| اسے دوران روبن اک تعلیمی پروگرام "سپیس ٹینس" وچ وی کم کردی اے۔ وڈے ہون اتے اپنے بچپن اتے شرمندگی محسوس کردی اے اتے اوہ اک الگ ہی انسان بن جاندی اے۔ اوہ سگرٹ پھوکدی اے تے نشہ کردی اے، ہاکی نوں پیار کردی اے۔

"ہاؤ آئی میٹ یوئر مدر" دا کاسٹ

کردار دا اتہاس[لکھو]

روبن نوں اک نیوس رپورٹر وجوں نیو یارک نیوز چینل اتے نوکری ملدی اے۔ اس دا پروگرام ٹی۔وی اتے سویرے 4 وجے براڈکاسٹ ہندا اے۔ اوہ بروکلن وکھے اپنے اپارٹمینٹ وچ رہندی اے جدوں تک اس دی بے روزگاری اسنوں اپنے سابقہ بوائے-فرینڈ "ٹیڈ موسبی" نال رہن لئی مجبور کر دیندی اے| ناٹک دوران روبن نوں کئی نوکریاں ملدیاں ہن، اس نوں جاپان وچ وی صحافی دی نوکری ملدی اے۔

اس ناٹک وچ روبن نوں اک آزاد وچاراں والی اتے خود اعتمادی نال بھربھور اک زنانی درسایا گایا اے۔ اوہ شروعات وچ کسے نال وی تعلقات وچ ہون توں ڈردی اے، اسے کرن اس دا ٹیڈ موسبی نال تعلقات ٹٹ جاندا اے۔ پھیر اوہ کئی بندیاں نوں ڈیٹ کردی اے پر کیتے وی اس دی دال نہیں گلدی| پھیر اس نوں اس دے اپنے ہی دوست بارنی سٹنسن نال پیار ہو جاندا اے پر ایہہ رشتہ وی کجھ جم نہیں پاندا| اخیر وچ اسنوں دوبارہ بارنی نال پیار ہو جاندا اے اتے ایہہ جوڑا 7ویں سیسن دے اخیر وچ ویاہ کروا لیندے ہن۔

حوالے[لکھو]