رکھ برانچ نہر
پنجاب وچ آبپاشی لئی اک نہر اے
رکھ برانچ نہر1892 وچ انگریزاں نے سندل بار نوں سیراب کرن لئی دریاے چناب تے خانکی ہیڈورکس (گوجرانوالہ) دے مقام توں نہر لوئر چناب کڈی جس دیاں ہور شاخاں
- گوگیرہ برانچ
- جھنگ برانچ
- رکھ برانچ ( رکھ جانگلی زبان دا لفظ اے جس دے معنی چراگاہ دے نیں) رکھ برانچ نہہر (حافظ آباد )دے قصبہ سکھیکی دے پنڈ گھراٹ 37000 دے مقام توں لوئر چناب نہر وچوں نکلدی اے۔ تے دوجی نہر نوں جھنگ برانچ دا ناں دتا گیا اے۔۔ جیہڑی ضلع جھنگ تک دے پنڈاں تک جاندی اے
رکھ برانچ نہر لوئر چناب نہر دی ذیلی شاخ اے ( لوئر چناب دریائے چناب توں خانکی ہیڈورکس (گوجرانوالہ) دے مقام توں نکلدی اے) جبکہ رکھ برانچ نہر گھراٹ 37000 سکھیکی (حافظ آباد ) دے مقام تون لوئر چناب نہر وچون نکلدی اے رکھ برانچ نہر نوں 1892 وچ انگریزاں نے تعمیر کیتا سی۔ ایہ نہر حافظ آباد ، سکھیکی، سانگلہ ہل، سالاروالا، چک جھمرہ، دے پنڈاں نوں سراب کرن دے بعد فیصل آباد وچ داخل ہندی اے فیصل آباد توں ایہ نہر جہانگیر خورد ، موڑ توں گوجرہ ول مڑجاندی اے اس نہر نال سراب ہون والا آخری مقام سیتلاں اے جو کہ گوجرہ دا اک گاؤں اے رکھ برانچ نہر دی کل لمبائی 182 کلومیٹر اے تے ایہ تقربیًا 300 پنڈاں نوں سیراب کردی اے اس نہر نال سیراب ہون والے پنڈاں دے نمبراں دے آگے رکھ برانچ دا مخفف ر۔ب لکھیا جاندا اے مثال دے طور تے چک 242 ر ب