ریاست اُجین

اج دا اجین شہر پرانی ریاست اے۔ ایہہ ناگدا-اندور-بھوپال وڈی ریلوے لائن اتے اندور-رتلام نال چھوٹی ریلوے لائن راہیں جڑیا ہویا اے۔ اجین شہر اندور توں 45 کلومیٹر دور اے۔ ریاست اجین اجکل کمبھ دے میلے کارن کافی مشہور اے۔ اتھے جدوں کمبھ دا میلہ لگدا اے تاں ہر پاسے ہی شردھالوآں دا ہڑ جیہا آیا ہندا اے تے ہر پاسے ہی رونق ہندی اے۔ کمبھ دے میلے نوں سہنستر وی کیہا جاندا اے۔ اتھے کمبھ دے میلے دوران سادھو وی وڈی گنتی وچ پہنچدے ہن اتے شاہی اشنان کردے ہن۔

مدھ بھارت دی ریاست اجین شپرا ندی نے کنارے وسیا ہویا اے۔ کسے ویلے اتھے مشہور راجا بھوج راج کردا ہندا سی۔ اس توں علاوہ ایہہ شہر راجا وکرمجیت دا راجگڑھ وی رہا اے۔ جدوں اجین ریاست ہندا سی تاں ایہہ افیم دی کھیتی کرکے بہت مشہور سی، کیونکہ اس ویلے اس علاقے وچ افیم دی کھیتی بہت وڈے پدھر اپر ہندی سی اتے اس ویلے اتھے خالص افیم دا وپار وی کیتا جاندا سی، جو کہ کافی پھلیا-پھلیا ہویا سی۔ جدوں راجا بھوج دا راج سی تاں اس دے دربار وچ اک درباری شاعر سی، جس نوں کالی داس کہندے سن۔ کالی داس سنسکرت دا وڈا ودوان سی۔ کالی داس ولوں لکھیا گیا ناٹک شنکتلا کافی مشہور اے۔ کالی داس نے ایہہ ناٹک سنسکرت وچ لکھیا سی اتے سنسکرت وچ اس ناٹک دا ناں سنکتلم سی۔

اجین وچ مہانکلیشور مندر کافی مشہور اے۔ ایہہ شہر ضلع ہیڈکوآٹر وی اے اتے اتھوں دا دودھ کافی مشہور اے۔ اس شہر وچ پرانے اتے جدید عمارتاں کافی سندر نظارہ پیش کردیاں ہن۔ جموں توی توں اندور جان والی سپرپھاسٹ ٹرین مالوا ایکسپریس اجین شہر وچوں ہو کے جاندی اے۔

اجین دی دھرتی نوں گورو نانک دیوَ جی اتے گورو گوبند سنگھ جی دی پوتر چرن چھوہ حاصل اے۔ کیہا جاندا اے کہ گورو گوبند سنگھ جی دے ویلے اتھے بھائی روشن سنگھ نے اک شیر دا شکار کیتا سی تے شیرنی نوں جیوندی ہی اک کمبل وچ لپیٹ کے گورو صاحب اگے پیش کیتا سی۔