ریاست چتوڑگڑھ

آزاد انسائیکلوپیڈیا، وکیپیڈیا توں

ریاست چتوڑگڑھ برصغیر دی اک پرانی دیسی ریاست سی جو برطانوی ہند ویلے آزاد روپ وچ قایم رہی۔ اس ریاست دا راجگڑھ چتوڑگڑھ سی ۔

تریخ[سودھو]

ریاست چتوڑگڑھ دا اتہاس وی اپنے وچ اہم اے۔ چتوڑگڑھ اصل وچ ریاست دا راجگڑھ ہندا سی۔ اتھوں دے راج کمار نال ہی میرا بائی ویاہی ہوئی سی۔ میرا بائی دی یاد وچ اتھے اک مندر وی بنیا ہویا اے۔ چتوڑگڑھ ریاست اصل وچ بہادر رانا پرتاپ دا علاقہ اے، جس نے اکبر دی اطاعت نہیں سی منی اتے راجپوتاں دی شان نوں برقرار رکھیا سی۔

چتوڑگڑھ دا محل[سودھو]

چتوڑگڑھ دا محلّ اج وی دیکھنیوگ چیز اے۔ ایہہ محلّ چٹی پہاڑی اپر بنیا ہویا اے اتے اس محلّ دے 7 دروازے ہن۔ ایہہ محلّ بہت خوبصورت اے اتے اس علاقے دی شان اے۔

چتوڑگڑھ دی رانی پدمنی[سودھو]

چتوڑگڑھ دے راجے رتن سنگھ دی رانی پدمنی کافی سندر سی، اس دی سندرتا دی چرچہ دور-دور تکّ ہندی سی۔ رانا رتن سنگھ نے جھیل دے وچالے پیلے پتھراں دا محلّ بنوایا سی، جو کہ کافی سندر اے اتے اج وی سیلانیاں دا من موہ لیندا اے۔

قلعہ چتوڑگڑھ[سودھو]

چتوڑگڑھ دے قلعے دی گلّ کیتی جاوے تاں پتہ چلدا اے کہ چتوڑگڑھ دا قلعہ پہاڑیاں وچ بنیا ہویا اے، جو کہ کافی مضبوط اے۔ اس قلعے دی سندرتا وی ویکھن والی اے۔ چتوڑگڑھ وچ ہی اک اجیہا ستمبھ اے، جس نوں کہ 1446 توں 1517 وچ بنایا گیا سی۔ ایہہ ستمبھ 122 فٹّ اچا اے اتے اس ستمبھ دیاں 9 منزلاں ہن۔ کیہا جاندا اے کہ اس ستمبھ نوں راجا کمبھا نے شہیداں دی یاد وچ بنایا سی۔ اس کرکے ہی اس نوں راجپوتاں دی جت دی یادگار وجوں وجی ستمبھ کہندے ہن۔ اس ستمبھ دی خاص گلّ ایہہ اے کہ اس ستمبھ وچ گول پوڑیاں ہن۔ چتوڑگڑھ وچ مینار کمپلیکس وکھے 9ویں صدی دے بنے ہوئے مندر ہن۔ اسے طرحاں ہی 12ویں صدی وچ بنیا جینیاں دا مندر وی اے، جو جینیاں دا پہلا تیرتھ تھاں اے۔ چتوڑگڑھ ریاست وچ گمبھیری اتے بیرچ ناں دے دو دریا وہندے ہن۔ اس علاقے دے لوک دوواں دریاواں نوں پوتر مندے ہن۔