ریوالسر

روالسر
قصبہ
ریوالسر جھیل
Country	بھارت
صوبہ	ہماچل پردیش
ضلع	منڈی ضلع
بلندی	۱۳۶۰ میٹر (۴,۴۶۰ فٹ)
آبادی (۲۰۰۱)
• کل	۱۳۶۹
Languages
• Official	ہندی بولی
منطقۂ وقت	IST (UTC+۵:۳۰)

روالسر، بھارت دے ہماچل پردیش وچ سندر نگر اتے منڈی توں ۱۹ کُ کلومیٹر دوری ’تے واقع قصبہ اے۔ ایہہ دی سمندری تل توں اچائی ۱۳۶۰ میٹر اے۔ ایہہ قصبہ ہندو، سکھاں اتے بدھ دھرم دا سانجھا تھاں اے۔ گھر دے مہنگی توں مہنگی سجاوٹی سامان توں لے کے لوڑیندی چھوٹی توں چھوٹی وستو اس تھوڑھے جہے علاقے وچ بڑی آسانی نال مل جاندی اے۔ اتھے تبتی لوک سبھ توں ودھ گنتی وچ رہندے ہن۔ اس جگہ بدھ دھرم دا پھیلاء ہور سبھ دھرماں توں ودھ اے۔ اتھوں دے بازار وچ ۹۰ فیصدی دوکاناں تبتیاں دیاں ہی ہن۔ تبتی ہوٹلاں وچ مومو، تھوپا، چاؤمین آدی عام ملدے ہن۔

مذہبی تھاں

روالسر دے اچے پربتی علاقیاں ’چ گرو گوبند سنگھ جی نے پہاڑی راجیاں نال اورنگزیب ولوں لوکاں اپر کیتے جا رہے ظلم نوں روکنا متعلق سن ۱۷۰۱ وچ بیٹھک کیتی سی۔ اس تھاں ’تے بہت سندر گردوارہ بنیا ہویا اے۔ ایہہ گردوارہ شہر توں بہت اچائی ’تے ہون کارن اتھوں روالسر شہر دا نظارہ بہت دلچسپ جاپدا اے۔

روالسر جھیل

گردوارے ساہمنے ہیٹھاں ول روالسر جھیل 'چ پرواسی پنچھی وی اتھے آ کے اس جھیل دی خوبصورتی نوں ودھاؤندے ہن۔ جھیل دے چارے پاسے ہریاول اس تھاں نوں ہور وی خوبصورتی بخشدی اے۔

مندر

جھیل دے اکّ پاسے بازار دے وچکار شو مندر اتے ہنو مان مندر واقع اے۔ روالسر دا سبھ توں وڈا کشش اتھے بنیا لوٹس بدھ مندر اے۔ اتھے پہنچ کے انج لگدا اے جویں تسیں کسی وکھری دنیا وچ پہنچ گئے ہو۔ اس عمارت دے اندر پوجا والے تھاں ’تے بہت وڈا حال جتھے مہاتما بدھ دا بتّ لگیا ہویا اے۔ ایہہ تھاں وی روالسر توں کافی اچائی ’تے ہون کارن شہر دی خوبصورتی نوں مانن دا آنند دیندی اے۔ شہر توں دس کلومیٹر ہور سدھی اچائی ’تے نینا دیوی دا مندر واقع اے۔ سکھر پہاڑ دی چوٹی ’تے ایہہ مندر اکّ الگّ ہی چھاپ چھڈدا اے۔ آس-پاس دیاں گھاٹیاں بہت منموہک نظارہ پیش کردیاں ہن۔ سرکاری گیسٹ ہاؤس مندر دے نال دی عمارت وچ بنایا گیا اے۔ روالسر توں نینا دیوی مندر دے رستے وچ دو ہور تھاواں اتھوں دے کشش نوں ہور وی ودھاؤندیاں ہن۔ کنتی کنڈ (تلإ) بہت وڈیاں-وڈیاں چٹاناں نال گھریا ہویا اے۔ ایہہ تلإ مکھ سڑک توں کافی نیواں اے۔ کنتی کنڈ توں کجھ کُ کلومیٹر دوری ’تے ارجن گفا اے۔

• روالسر - Rewalsar
• 
• 
• 
• 
• 
• 
• 
• 
• 

حوالے