سلمہ سلطان

سلما سلطان
جم	16 مارچ 1944 (80 سال)
وفات
قومیت	بھارتی
شریک حیات	امیر کدوائی
اولاد	2
تعداد اولاد	2
عملی زندگی
تعليم	اندرپرستھ کالج فار وومن
مادر علمی	دلی یونیورسٹی اندر پرستھ کالج برائے نسواں، دہلی
پیشہ	دوردرشن وچ نیوز اینکر
دور فعالیت	1967–2005

سلما سلطان (جم 16 مارچ 1944) اک بھارتی ٹیلیوژن صحافی اتے ڈریکٹر اے۔ 1967 توں 1997 تک دوردرشن وچ نیوز اینکر وجوں کم کرن توں بعد اوہ ٹیلیوژن شو دے ڈریکشن وچ چلی گئی۔ سلطان نے اپنے ویلے دوران اک رجھان شروع کیتا سی - اپنے والاں وچ کھبے کنّ دے ہیٹھاں خاص گلاب اتے اپنی گردن دوآلے اپنی ساڑھی دے پلو نوں کھچنا جو بعد وچ اس نوں تقریباً ساریاں خبراں پڑھن والیاں عورتاں نے اپنایا۔ اوہ ہن دکھنی دلی دے جنگپرا کھیتر وچ رہندی اے۔ صاد کدوئی، سلما دا بیٹا کٹک اوڈیشا وچ انکمٹیکس دا کمیشنر اے۔

مڈھلی زندگی اتے سکھیا

سلما سلطان اپنے گھر دے دوجے بچے وجوں پیدا ہوئی سی۔ اسدے پیؤ مفکر اتے کھیتی باڑی وزارت دے سیکٹری محمد اصغر انصاری اتے ماں گھریلو عورت سی۔ سلما دی اک وڈی بھین میمونہ سلطان ( بھوپال توں چار وار پارلیمنٹ میمبر) سی۔ سلما اتے میمونہ افغانستان دے شاہ شجاع دیاں مہان-پڑپوتیاں سن۔ سلما نے اپنی سکولی پڑھائی مدھ پردیش دے سلطان پور توں کیتی اتے گریجوئیشن بھوپال توں کیتی۔ اسنے اندرپرستھ کالج فار وومن، دلی توں انگریزی وچ پوسٹ گریجوئیشن کیتی اتے اسدے نال ہی 23 سال دی عمر وچ دوردرشن لئی آڈیشن دتا۔

کریئر

پرتما پوری اتے گوپال قول دوردرشن وچ اس ویلے باقاعدہ دسدے چہرے سن، جنہاں نے اسدی شروعات 15 ستمبر 1959 نوں کیتی سی۔ دوردرشن نے 1965 وچ 5 منٹ دے اک خبر بلیٹن دی شروعات کیتی سی۔ سلما سلطان نے 31 اکتوبر 1984 نوں دوردرشن اُتے شام دیاں خبراں وچ اندرا گاندھی دی قتل دی پہلی خبر دتی سی، جدوں اس نوں گولی مار دتی گئی سی، ایہہ خبر اس گھٹنا توں 10 گھنٹے توں وی ودھ ویلے بعد دتی گئی سی۔

بطور ڈریکٹر

اپنی سیوامکتی توں بعد سلما سلطان اپنے پروڈکشن ہاؤس لینسویو پرائیویٹ لمٹڈ دے ماتحت دوردرشن لئی سماجی موضوعاں اُتے سیریل ڈریکشن دا کم کردی اے۔ اس دے سیریل پنچتنتر سے، سنو کاہنی، سور میرے تمھارے اتے جلتے سوال نے دھیان کھچیا اے۔ پنچتنتر سے 1989 وچ مہامبھارت توں جلدی ہی بعد ٹیلیکاسٹ کیتا جاندا سی اتے بہت ودھیا مظاہرہ کردا سی۔ جلتے ساول عورتاں دے مثلیاں اُتے اک سیریل سی، جس دا 2004 وچ ڈیڈی نیوز اُتے ایتوار نوں سویرے 11 وجے براڈکاسٹ کیتا جاندا سی۔

نجی زندگی

سلما سلطان عامر کدوئی دی بیواہ اے، جس نے انجینیئر انڈیا (ای۔آئی۔ایل۔) لئی کم کیتا سی۔ سلما انکم ٹیکس کمیشنر صاد کدوئی اتے کوریؤگرافر بیٹی سانا دی ماں اے۔ سلما دے دو پوتے ہن۔ صاد کدوئی دا ویاہ گیتی خان کدوئی (جم 1978) نال ہویا اے، جو اک ڈزائینر اے اتے اوہناں دے دو بچے ہن- ثمر اتے میہر۔ صاد اتے گیتی ہن بی۔آر۔ایس۔ نگر، لدھیانہ وچ وس گئے ہن۔

صاد کدوئی، سلما دا بیٹا نومبر، 2017 توں کٹکّ، اوڈیشا وچ انکمٹیکس دا کمیشنر اے۔

حوالے

باہری لنک

• Salma Sultan reading news of Indira Gandhi's death _{یوٹیوب اتے}
• Doordarshan history by Salma Sultan _{یوٹیوب اتے}
• Panchtantra Se serial episode _{یوٹیوب اتے}
• Suno Kahani serial episode _{یوٹیوب اتے}
• Swar Mere Tumhare serial promo _{یوٹیوب اتے}
• Roshni Ka Safar serial promo _{یوٹیوب اتے}
• Doordarshan 50 years in 2009 _{یوٹیوب اتے}