سمندری گھوڑا

اضغط هنا للاطلاع على كيفية قراءة التصنيف سمندری گھوڑا
اسمیاتی درجہ	جنس
جماعت بندی
مملکت:	اینیملیا
جماعت:	اکٹینوپتیریگی
طبقہ:	سگنیتھیفورمز
خاندان:	سنگنیتھیدیا
الأسرة:	ہوپوکیپینے
جنس:	ہپوکیپس کنسٹینٹائین سیموئل راپھائینزکیو 1810
سائنسی نام
Hippocampus  Constantine Samuel Rafinesque   ، ۱۸۱۰
‏‏

سمندری گھوڑا (سی ہارس) اصل وچ اک وکھرے طرحاں دی مچھی اے۔اسدا سر گھوڑے دے سر نال ملدا ہون کارن اس نوں سمندری گھوڑا کہہا جاندا اے۔ اس دی پوچھ باندر دی پوچھ ورگی، اکھاں گرگٹ دیاں اکھاں وانگ باہر نوں نکلیاں ہندیاں ہن جس نال ایہہ اپنے اگے، پچھے تے آلے دوآلے دیکھ سکدا اے۔ ایہہ عام طور تے گرم سمندری پانی وچ ہندا اے تے سمندری گھاہ تے پودیاں نال کنڈلی مار کے چپکیا رہندا اے۔ ایہناں دی لمبائی 25 سینٹیمیٹر توں لے کے 30 سینٹیمیٹر تک ہندی اے۔سمندری گھوڑا اپنے آپ نوں لکاؤن لئی ضرورت پین تے اپنا رنگ بدل لیندا اے۔ ایہہ سمندری ساحل، سمندری بندرگاہاں، کھاڑی، جھیلاں وچ پیدا ہون والے گھاہ بوٹے، مونگے تے سمندری چٹاناں وچ ملدے ہن۔ ایہناں دا رنگ عام طور تے چٹے، پیلے تے لال ہندا اے۔ سمندری گھوڑا 50 توں ودھ قسماں وچ ملدا اے۔ سمندری گھوڑے دے دند نہیں ہندے۔ سمندری گھوڑے دیاں زیادہ قسماں اپنا جوڑا حمل تے بچے پیدا کرن لئی اک وار ہی بناؤندیاں ہن۔

مادہ اتے نر جوڑا

حمل ٹھہراؤن ویلے نر سمندری گھوڑا اپنے جرثومے مادہ دے ساہمنے پانی وچ چھڈدا اے۔ مادہ 100 توں 1500 تک انڈے دندی اے۔ نر سمندری گھوڑا آنڈیاں نوں امانت وجوں 25 توں 30 دن تک اپنے ڈھڈّ تے لگی تھیلی وچ حمل لئی رکھدا اے۔ نر حمل حالت وچ اپنے پیٹ اندر بچیاں نوں آکسیجن تے کھانا دندا اے۔ 30 دن توں بعد نر سمندری گھوڑا بچیاں نوں باہر کڈھن لئی سمندر دے گھٹ ڈونگھے پانی وچ جاندا اے تے اپنی تھیلی دیاں پٹھےآں نوں گھٹدا اے تے چھوٹے چھوٹے بچے سمندری کنڈھیاں تے باہر آ جاندے ہن۔

حوالے