سنہری عقاب

وکیپیڈیا توں
جاؤ: پاندھ, کھوج
سنہری عقاب
GoldenEagle-Nova.jpg
دیس : جنور
برادری : کورڈیٹ
ٹولی : پنچھی
ٹبر: الاں
سائینسی ناں: Aquila chrysaetos
Cypron-Range Aquila chrysaetos.svg
سنہری عقاب دی پھرن تھاں

سنہری عقاب جگ دے سب توں مشہور شکاری پنچھیاں چوں اک عقاب اے۔ ایہ عقاباں دی سب توں بوتی پائی جان آلی ونڈ اے۔ باقی سارے عقاباں آر اے الاں ٹبر دا سنگی اے۔ ایہ عقاب گوڑے بھورے رنگ دے ہوندے نیں تہ ایناں دی تؤن تہ سنہری پر ہوندے نیں۔ نکے سنہری عقاب دی پوچھل تہ چٹے پر ہوندے نیں تے پراں اتے چٹے نشان ہوندے نيں۔ سنہری عقاب اپنی تیز اڈاری تے پھرتی نوں ورتدیاں طاقتور پنجیاں نال شکار کردے نیں۔

سنہری عقاب اپنے گھونسلے دوجے سنہری عقاباں توں دور بناندے نیں تے 200 مربع کلومیٹر تھاں تک شکار کردے نیں۔ اوہ اپنے گھونسلے اچیاں تھاواں بناندے نیں جنج چٹاناں جتھے اوہ بار بار انڈے دین آندے نیں۔ اوہ بہار چ انڈے دیندے نیں۔ اک مادہ عقاب 4 انڈے دیندی اے تے اوناں توں تقریبا 6 ہفتیاں بعد چوزے نکلدے نیں۔ اوناں چوں اک یا دو ای بچدے نیں جیڑے 3 معینیاں دی عمر چ اڈن لگ پیندے نیں۔ نکے عقاب اگلی خزاں ماپیاں توں وکھرے ہوجاندا اے تے پھردا کمدا ریندا اے جیدے بعد اوہ اپنی تھاں لب لیندا اے۔

صدیاں توں عقاب دی اس نسل نوں انسان شکار لئی ورتدے آرۓ نیں۔ اینوں بھیڑیے دے شکار واسطے وی ورتیا جاندا اے۔ ایدے بارے وچ بوت سائنسی پڑھائی وی کیتی گئیاے۔