سوشل ڈیموکریسی

سوشل ڈیموکریسی جاں سماجی جمہوریت اک سیاسی، سماجی اتے معاشی وچاردھارا اے جو اک ادار جمہوری سیاست اتے سرمایہ داری معیشت دے ڈھانچے وچ سماجی نیاں(انصاف) نوں مُتحرک کرن لئی معاشی اتے سماجی دکھلاں دی حمایت کردی اے۔ اس نوں پورا کرن لئی پروٹوکولاں اتے نورماں وچ پرتیندھ اتے جمہوریت لئی عزم، آمدنی دی مڑ ونڈ دی انتظام، اتے عامَ ہتّ وچ مطلب چارے دی ریگولیشن اتے بھلائی راج دے پربندھ شامل ہن۔ اس طرحاں سماجی جمہوریات دا مقصد سرمایہ داری لئی حالات پیدا کرنا اے تاں جو ودھ جمہوری، سمانتاوادی اتے یکجہتی والے نتیجے نکلن؛ اتے ایہہ اکثر سماجی-معاشی پالیسیاں دے سیٹ نال جڑی ہوئی ہندی اے جو اتری اتے مغربی یورپ وچ —خاص کرکے نورڈک دیساں وچ نورڈک ماڈل—جو کہ 20 ویں صدی دے ادھ وچ خاص طور اُتے ابھر کے سامھنے آیا اے۔

سوشل ڈیموکریسی اک سیاسی وچاردھارا دے روپ وچ پیدا ہوئی سی جو آرتھوڈاکس مارکسزم نال جڑی سرمایہ داری توں سوشلزم تک تبدیلی دے انقلابی پہنچ دے الٹ قائم سیاسی عملاں نوں ورت کے سہج اتے پرامن تبدیلی دی حمایت کردی اے۔ مغربی یورپ وچ جنگ دے دور توں بعد دے شروع وچ، سوشل ڈیموکریٹک پارٹیاں نے سوویت یونین وچ ادوں موجود ستالنزم سیاسی اتے معاشی ماڈل نوں خارج کر دتا، جاں تاں اپنے آپ نوں سوشلزم دے وکلپک رستے جاں سرمایہ داری اتے سوشلزم وچکار سمجھوتہ کرن دا رخ اپنایا۔ اس عرصے وچ، سوشل ڈیموکریٹاں نے نجی جائداد دی پرمکھتا دے بنیاد تے اک مرکب معاشی انتظام نوں اپنا لیا، جس وچ عوامی مالکی ہیٹھ ضروری سہولتاں اتے عوامی خدمتاں دی گھٹ گنتی وی سی۔ فلسروپ، سوشل ڈیموکریسی کینزی معاشیات، راج دکھل اندازی اتے بھلائی راج نال جڑ گئی، جد کہ مقابلیاتی طور تے وکھ سوشلٹ معاشی نظام نال سرمایہ داری نظام (فیکٹر بازار، پرائیویٹ سمپتی اتے اجرتی لیبر) نوں بدلن دا پہلا ٹیچا تیاگ دتا۔

بزرگاں، بچیاں دی دیکھبھال، سکھیا، صحتَ سنبھال اتے کامیاں دے معاوضے دی دیکھبھال ورگیاں سرو مکمل پہنچیوگ خدمتاں لئی حمایت سمیت نابرابری، غریب لوکاں تے ظلم اتے غریبی نوں روکن لئی سیدھت پالیسیاں نوں پرتیبدھتا جدید سوشل ڈیموکریسی دا لچھن اے۔ سماجی جمہوری لہر وچ مزدور لہر اتے ٹریڈ یونیناں دے نال مضبوط تعلق ہن اتے اوہ کامیاں لئی گروہی سودیبازی دے حقاں دے نال نال معاشی کھیتر وچ ہور معاشی حصیداراں نال سہِ-نردھارن دے روپ وچ جمہوری فیصلے لین دی گنجائش نوں ودھاؤن دے اپاواں دے وی حق وچ اے۔

تیجا راہ، جس دا مقصد آزاد معیشت نوں سماجی جمہوری بھلائی دیاں پالیسیاں نال ملاؤنا اے، اک وچاردھارا اے جو 1990 ویاں وچ ترقی یافتہ ہوئی سی اتے کئی وار سماجی جمہوری پارٹیاں نال جڑی ہوئی ملدی اے۔ مگر کجھ تجزیہ کاراں نے تیجے راہ نوں بااثر ڈھنگ نال نوَ-آزادت حریک وجوں درسایا اے۔

ترقی اتے سماجی جمہوریت

دوجی عالمی جنگ توں پہلاں جرمن سماجی جمہوریت دی ترقی

19 ویں صدی دے اخیر اتے 20 ویں صدی دے شروع وچ، سماجی جمہوریت اک اجیہی تحریک سی جسدا مقصد مارکسزم اتے فیرڈیناند لاسال دے سپوٹراں دے اثر نوں قبولدے ہوئے پیداوار دے زریعاں دی نجی مالکی نوں سماجی مالکی نال بدلنا سی۔ 1868–1869 تک، مارکسزم یورپ وچ قائم پہلی سوشل ڈیموکریٹک ورکرز پارٹی آف جرمنی (ایس۔ڈی۔اے۔پی۔) دی سرکاری اصولی بنیاد بن گئی سی۔