سوہݨی مہینوال

آزاد انسائیکلوپیڈیا، وکیپیڈیا توں
(سوہنی مہینوال توں مڑجوڑ)

سوہنی مہینوال پنجاب دی اک عشقیہ لوک داستان اے۔

سوہنی دا مقبرا
سوہنی مہینوال نوں ملن لئی تیرکے چناب دریا پار کر رہی اے، 1780 پینٹنگ لاس اینجلس کاؤنٹی میوزیم آف آرٹ

سوہنی مہینوال پنجاب دیاں مکھ عشق کہانیاں وچوں اک اے۔ دوجیاں کہانیاں وچ ہیر رانجھا، مرزا صاحباں تے سسی پنوں دے نام شامل ہن۔ سوہنی (چناب) دے کنڈھے گجرات شہر دے تلا کمھار دی دھی سی[۱] اتے مہینوال بخارا دے اک امیر سوداگر علی بیگ دا پتر سی اتے اسدا اصلی ناں "مرزا عزت بیگ" سی۔[۲]

کہاݨی[سودھو]

اجوکے پنجاب، پاکستان دے شہر گجرات وچ بھانڈیاں دا وپار کرن آیا عزت بیگ تلے دی دوکان اتے چتر پردرشنی نما سلیقے نال چنے بھانڈیاں وچوں جھلکدی تلے دی دھی، سوہنی دی قابلیت دا قایل ہو گیا۔ اس نے منہ منگی قیمت تار کے بہت سارے بھانڈے خرید لئے۔ وپار بھلّ اوہ سوہنی دے عشقَ وچ لین ہو گیا۔ وپار وچ گھاٹا کھا عزت بیگ اخیر تلے دیاں مہیاں دا پالی بن گیا۔ عزت بیگ توں اوہ ہن مہینوال بن چکا سی، اوہنوں اسے ناں نال سددے سن۔ جدوں سوہنی نوں اسدے دل دی وتھیا دا پتہ لگیا تاں اوہ وی مہینوال دی ہی ہوکے رہِ گئی۔ اوہناں دیاں پریم ملنیاں دے لوکاں وچ چرچے شروع ہو گئے اتے تلے نوں وی پتہ چل گیا۔ اسنے مہینوال نوں نوکری توں کڈھ دتا تے سوہنی نوں نیڑ دے ہی اک گھماراں دے منڈے نال ویاہ دتا۔ مہینوال ہن فقیر بن چناب دے پار جھگی بݨا کے رہݨ لگ گیا۔ سوہنی نے پکے گھڑے دی مدد نال جھناء پار کر مہینوال نوں ملن جانا شروع کر دتا۔ پر اوہدی نند نے بھیت پتا لگݨ تے پکے گھڑے دی تھاں کچا گھڑا رکھوا دتا۔ منجھدھار وچ گھڑا کُھر گیا تے اوہ ڈب کے مَر گئی ۔ ڈبدی سوہنی دیاں آوازاں سن کے مہینوال وی چناب وچ کدّ پیا تے اوہ وی محبوبا دے نال ای ڈب کے مَر گیا۔

حوالے[سودھو]

  1. Mahiwal, a romantic legend of Gujrat By Mansoor Behzad Butt
  2. ڈاکٹر۔ سوہندر سنگھ ونجارا بیدی (2010). پنجابی لوکدھارا عالمی کوش. نیشنل بکّ شاپ، دلی, 1910.