ہیر رانجھا

وکیپیڈیا توں
Jump to navigation Jump to search
ھیر رانجھا دی قبر
Tilla Jogian.jpg
ہیر رانجھا پنجاب دی مشہور عشقیا لوک کہانی اے۔ ایس کہانی نوں بہت سارے شاعراں نے لکھیا پر سبھ توں زیادہ مشہور وارث شاہ دی 1766 وچ لکھی ہوئی 'ہیر' ہیر وارث شاہ ہوئی۔

کہانی[لکھو]

ہیر اک بہت سوہنی عورت سی جیہڑی سیال جٹاں دے اک کھاندے پیندے ٹبر وچ جمی۔ رانجھا، جیہدا پورا ناں دھیدو رانجھا سی اک جٹ سی جیہڑا چناب دے کنڈھے تے اک پنڈ تخت ہزارا دا رہن والا سی۔ اوہ چار بھراواں وچ سبھ توں نکا سی تے اپنے پیو دا لاڈلا سی۔ اپنے پعراواں ونگوں زمینداری کرن دے بجائے رانجھے نوں ونجلی وجان دا چوکھا شوق سی۔ پعراواں نال چگڑن توں مگروں رانجھا اپنا پنڈ چھڈ کے ہیر دے پنڈ آ جاندا اے۔ ایتھے اوہنوں ہیر نال عشق ہو جاندا اے۔ ایتھے اوہ ہیر دے پیو دے ڈنگر چراؤن لگ جاندا اے۔ رانجھے دی ونجلی ہیر تے جادو کردیندی اے تے اوہ وی رانجھے نوں چاوہن لگ جاندی اے۔ ہیر دے چاچے کیدو نوں اوس دا پتا لگ جاندا اے تے اوہ ہیر دی ماں ملکی تے پیو چوچک نوں پڑکاندا اے۔

ہیر دا بیاہ دھکو دھکی اک ہور بندے سیدو کھیڑے نال کر دتا جاندا اے۔ رانجھا ٹٹے ہوئے دل نال ٹلہ جوگیاں آ جاندا اے۔ ٹلہ جوگیاں ضلع جہلم چ اک پہاڑ اے۔ ایتھے جوگیاں دا ٹھکانا سی۔ رانجھا کن پڑوا لیندا اے ۔ جگ نوں چھڈ دیندا اے تے جوگی بن جاندا اے۔ پنجاب دے پنڈاں چ پھردا اے تے ہیر نوں مل پیندا اے۔ دوویں ہیر دے پنڈ آؤندے نیں تے ہیر دے ماں پیو دوناں دے ویاہ لئی من جاندے نیں پر ہیر دا چاچا کیدو ہیر نوں زہر دے دیندا اے۔ ہیر مر جاندی اے تے ہیر دی موت دے دکھ نال رانجھا وی زہر کھا کے مر جاندا اے۔


مورت نگری[لکھو]

ہور پڑھو[لکھو]

باہرلے جوڑ[لکھو]

جوڑ[لکھو]