سۉرن کماری دیوی

سۉرن کماری دیوی پہلی بھارتی اتے بنگالی خاتون گلپکار اے جسدا 1876 وچّ پہلا ناول 'دیپ نروان' اتے 1882 وچّ پہلی کہانی 'سنکلپن' چھپی۔ سورنکماری دیوی رابندرناتھ ٹیگور دیاں پنج بھیناں وچوں اک سی۔ اسنے لما سماں وڈے پدھر تے ناول، ناٹک، کہانی، شاعری اتے سائنسی مضموناں دی رچنا کیتی۔

جیون

سۉرن کماری دیوی دا جم 28 اگست 1855 نوں کلکتہ وچّ ہویا۔ اسدے پیؤ دا نام دیوندرناتھ ٹیگور اتے ماں دا نام شاردا دیوی سی۔ گھر دا ماحول ساہتی ہون کرکے سورنکماری دیوی نوں گھر وچ ہی بنگلا اتے سنسکرت دی مڈھلی سکھیا حاصل کیتی گئی۔ اسنوں بچپن توں ہی سنگیت، تھئیٹر اتے لکھن کلا وچّ نپن بناؤن دے یتن کیتے گئے جس کرکے اسنے تیرویں ورھے وچّ ہی گیت اتے کہانیاں لکھنیاں شروع کر دتیاں۔ اسے سال ہی اسدا ویاہ جانکیناتھ گوسل نال ہو گیا جو بھارتی قومی کانگرس دا سیکٹری سی۔اسنے بنگالی بولی وچّ سائنس متعلق تشریحی شبداولی ڈیولپ کیتی۔ غریب کڑیاں، ودھواواں، یتیم بچیاں دی پڑھائی اتے مالی مدد لئی اسنے 1896 وچّ 'سخی سمتی' ناں دی خواتین سبھا بنائی۔ اوہ 1921 توں 'بنگلا ساہت سمیلن' دی پردھان وی رہی۔ لما سماں سیاسی سرگرمیاں وچ حصہ لیندی رہی۔ 3 جولائی 1932 (77 ورھیاں دی عمر وچّ)نوں اسدی موت ہو گئی۔

رچناواں

ناول

• دیپ نروان
• سنیہ لتا

کہانی

• سنکلپن

ناٹک

• راج کنیا
• دویا کمل
• بسنت اُتسۉ (اپیرا-گیترا ناٹ)

مضمون

• پرتھوی

اڈیٹنگ

• بھارتی(میگزین)