سیما تومر

سیما تومر

ذاتی معلومات
قومیت	بھارتی
شہریت	بھارتی
پیدائش	03 ژوئیهٔ 1982 ‏(عمر: ۴۱ سال)جوہری، باخفیہ، اتر پردیش، بھارت
رہائش	نوئڈا، گوتم بدھنگر، اتر پردیش، بھارت
سال فعال	2000 – موجودہ
کھیل
ملک	بھارت
کھیل	ٹریپ شوٹر، شوٹگن

سیما تومر (جم 3 جولائی 1982) اک بھارتی ٹریپ نشانیباز اے۔ اوہ قومانتری شوٹنگ سپورٹ فیڈریشن (آئی۔ایس۔ایس۔ایف۔) عالمی کپ وچ شاٹگن سلور میڈل جتن والی اکلوتی بھارتی عورت اے۔ اس دا جم اتر پردیش دے جوہری پنڈ وچ ہویا سی۔

زندگی

تومر دا جم 3 جولائی 1982 نوں جوہری، باخفیہ ضلع، اتر پردیش وچ ہویا سی۔ اسنے 1998 وچ اپنے پنڈ وچ قائم کیتی رینج وچ شوٹنگ سکھی۔ تومر شروع وچ اپنے آس پاس دے سماج دیاں امیداں توں مایوس سی، جس نوں اس دے ویاہ اتے گھروالی بنن دی امید سی۔ اسنے محسوس کیتا کہ اوہ اس کھیتر وچ داخل نہیں ہو سکدی، جدوں تک اسدے پروار وچوں کوئی بزرگ نشانیبازی وچ نہ جاوے۔

شروع وچ تومر اپنی ماں توں بناں شوٹنگ رینج جان توں ڈردی سی، جسنے اس نوں مُتحرک کیتا اتے جس نال اوہ رینج وچ گئی۔ تومر دی ماں پرکاشی تومر نے شوٹنگ اتے پروگراماں وچ حصہ لینا شروع کیتا، جلدی ہی اک ایوارڈ جیتو نشانیباز بن گئی، بھارت دی دوجی سبھ توں پرانی خاتون نشانیباز، جس نوں روالور دادی وی کیہا جاندا اے۔ پرکاشی اتے اس دی بھرجائی چندرو تومر دی بھاگیداری نے تومر نوں شوٹنگ مقابلیاں وچ داخل ہون دتا۔ تومر نے 2001 وچ پنڈ وچ 10 میٹر دی رینج وچ شوٹنگ شروع کیتی سی۔

تومر حالے وی بھارتی پنڈاں وچ اجتمائی طور اُتے برابری دی حامی اے اتے اس کارن کئی جوان کڑیاں اس دے اپنے شہر وچ نشانیبازی کر رہیاں ہن۔

تومر دے ستّ بھین-بھرا ہن۔ اسدی بھین ریکھا وی اک نشانیباز اے۔ پرکاشی پنڈ وچ اک شوٹنگ رینج وی چلاؤندی اے جتھے بہت ساریاں کڑیاں شوٹنگ سکھن آؤندیاں ہن۔

کریئر

سیما تومر نے 2004 وچ ایئر رائیفل دی شوٹنگ نال شروعات کیتی، پر بعد وچ شاٹگن ایوینٹ وچ چلی گئی۔ اوہ اس ویلے ٹریپ شوٹنگ وچ ماہر اے۔

2010 سیما تومر دے کریئر دا اک میل پتھر سی جدوں اسنے 2010 آئی۔ایس۔ایس۔ایف۔ عالمی کپ وچ سلور میڈل جتیا سی۔

تومر نے نومبر، 2014 وچ متحدہ عرب امارات وچ منعقد ایشیئن شاٹگن چیمپیئن شپ وچ دو سون تمغے جتے سن۔

حوالے