شارک

شارک
سائنسی ٹولی
دیس:	جنور
برادری:	کورڈیٹ
ٹولی:	مڑکنی مچھیاں
ونڈاں:	500

شارک سمندری مچھیاں دا اک ٹبر اے۔ ایناں دا ٹانچہ مڑکنی ہڈیاں دا ہوندا اے۔ سر دے پاسیاں تے 5 توں 7 سآ لین دے مگورے ہوندے نیں۔ ایہناں دے دند اگر ٹٹ جان تے نویں اگ آندے نیں۔ شارک مچھیاں سمندر دے سب توں خطرناک شکاری نیں۔ شارک پچھلے 42 کروڑ وریاں توں ہیگی اے۔

شارک دیاں 470 نسلاں لبیاں جاچکیاں نیں۔ ہجے تکر لبھی جانوالی سب توں نکی شارک دی لمبائی 17 سینٹی میٹر / (6.7انچ) تے سب توں وڈی شارک ویل شارک دی لمبائی 12 میٹر ہیگی اے۔ شارک ہر سمندر وچ ریندی اے تے 2000 میٹر / 6600 فٹ دی ڈونگائی تک جاسکدی اے۔ اک دو نوں چھڈ کے ساریاں لونے پانی دیاں رہن والیاں نیں۔ایہناں دی کھل تے نکے دندے لگے ہوندے نیں جیہڑے ایہناں نوں پھٹڑاں، دوجیاں تے جینوالے جنوراں توں بچاندے نیں۔

وکھالہ

شارک 500 دے نیڑے مچھیاں دی اک پتی اے جیہڑی وکھالے تے ناپ وچ آپس وچ وکھریاں نیں۔ سب توں نکی شارک نکی شارک اے جیہڑی 16 توں 20 ےینٹی میٹر لمی تے 150 کرام دی ہوندی اے۔ ایہناں وچ سب توں وڈی ونڈ وہیل شارک اے جیہڑی 14 میٹر لمی تے 12 ٹن دی ہوندی اے۔ ماٹھی شارک پلانکٹن تے جیندی اے تے 10 میٹر تک لمی ہوندی اے۔

بننا

شارک دے بنن دے سبوت 450–420 ملین ورے پہلے اورڈوویشین ویلے وچ ملدے نیں تے اودوں ہجے سکی زمین تے کنگریڑے وی نہیں سن تے نہ ای کی بوٹیاں نے زمین تے وسنا شروع کیتا سی۔ اوس ویلے دیاں شارکاں دے چانے ای لبے نیں تے کئی پرانے ویلیاں دے گروواں دا کیہنا اے جے ایہ شارکاں نہیں سن۔ 42 کروڑ ورے پہلے سیلورین ویلے وچ ملن والے چانے شارکاں دے لگدے نیں۔ پرانیاں شارکاں اجکل دیاں شارکاں توں وکھ لگدیاں نیں۔ اجکل دیاں شارکاں 10 کروڑ ورے پہلے بنن وج آئیاں۔ سب توں نیڑے بنن والیاں وچ تھؤڑا سر ٹبر آندا اے جیہڑا ایوسین ویلے وچ سامنے آیا۔ چٹیاں شارکاں دے ملنوالے سب توں پرانے دند 60 توں 66 ملین ورے پرانے نیں تے ایہ اوہ ای ویلہ سی جدوں ڈائینو سار مکے سن۔ ایس ویلے شارکاں بہت وڈے ناپ تکر اپڑیاں۔ ایہ شارکاں وہیلاں دیاں شکاری سن۔

ٹانچہ

• شارک دے دند جباڑیاں دی تھاں مسوڑیاں وچ لگے ہوندے نیں تے سارا جیون بدلدے ریندے نیں۔ ایہ دند کئی لیناں وچ اندرلے پاسے اگدے نیں تے اگے ول آندے ریندے نیں۔ کئی شارکاں اپنے جیون وچ 30،000 دے نیڑے دند بدلدیاں نیں۔ دند ڈگن دا حساب وکھریاں شارکاں وچ وکھرا وکھرا ہوندا اے۔ کئیاں وچ اک دند 8 یا 10 دن مگروں ڈگدا اے تے ہوراں وچ مہینیاں وچ اک۔ ایہناں دے دنداں وا وکھالہ ایہناں دے کھان پین تے ہوندا اے۔ مولسکا تے کرسٹیشین کھان والیاں شارکاں دے دند کھنے تے پدھرے ہوندے نیں جیہڑے ایہناں نون توڑن دے کم آندے نیں۔ مجھیاں کھانیاں شارکاں دے پھڑن لئی سؤیاں ورگے دند ہوندے نیں۔ وڈے شکار تے ددپلانے نوں شکار کرن لئی چنجلے دند ہوندے نیں پھڑن لئی تے تکونے وڈے دند چیرن لئی ہوندے نیں۔پلانکٹن کھان والیاں شارکاں دے دند نکے یا نہ ہون جوگے ہوندے نیں۔

• شارک دا ٹانچہ ہڈی والی مچھیاں تے زمینی کنگریڑیاں تو وکھرا بنیا ہوندا اے۔ ایہ مڑکنی ہڈی دا بنیا ہوندا اے جیہڑی مڑنوالی تے چوکھے جر تک چلنوالی ہوندی اے پر ایہ عام ہڈی توں ادی گھنی تے فیر ہلکی ہوندی اے۔ایس نال ٹانچے دا جوکھ کھٹدا اے تے انرجی بچدی اے۔ شارکاں دیاں پسلیاں نہیں ہوندیاں تے ایس باہجوں زمین تے ایہ اپنے ای جوکھ تھلے دبیاں جاندیاں نیں۔

ونڈائی

شارکاں دیاں 470 ونڈاں نیں جیہڑیاں 13 ٹولیاں وچ ونڈیاں ہویاں نیں جنہاں وچوں 4 ٹولیاں مک چکیاں نیں۔

• ویل شارک
• میکرل شارک
• ریکویم شارک
  • دریائ شارک
  • گیلاپیگوس شارک
  • بورنیو شارک
  • چکری شارک
  • گلائفس گرکی
  • اراودی شارک
  • تانبہ شارک
  • نمبو شارک
  • پانڈیچری شارک
  • سنولی شارک
  • گنگا شارک
  • پینڈی نک شارک
  • بیلجہ نک شارک
  • برازیلی تیزنک شارک
  • کالی نک شارک
  • ودیا دند شارک
  • سلیٹی تیز نک شارک
  • کریبین ریف شارک
  • تیز نک شارک
  • کریبین تیزنک شارک
  • ٹھمکا پوچھل شارک
  • چھرا نک شارک
  • کالی چنج شارک
  • نیزہ دند شارک
  • سلیٹی ریف شارک
  • سور اکھ شارک
  • ٹائیگر شارک
  • ریشمی شارک
  • نیلی شارک
  • بلی شارک 150
  • تھؤڑاسر شارک
  • لالٹین شارک 45
  • آرا شارک

بارلے جوڑ

اتہ پتہ

شارک ٹبر

میکرل شارک · لالٹین شارک · ریکویم شارک · تھؤڑاسر شارک · ویل شارک · گاں شارک · کنڈیالی شارک · آرا شارک · بلی شارک