شاہترہ

آزاد انسائیکلوپیڈیا، وکیپیڈیا توں
شاہترہ
 

انتظامی تقسیم
حصہ ٹیکسون  ویکی ڈیٹا اُتے (P31) د‏‏ی خاصیت وچ تبدیلی کرن

شاہترہ یا پت پاپڑا (سائنسی نام: Fumaria parviflora) پُھل دار پودے دی اک قِسم اے۔ ایہ ایشیا، افریقا تے یورپ ناݪ تعلق رکھدا اے، لیکن ایہ دنیا دے بہت سارے دوسرے حِصےآں وچ عام تے وسیع پیمانے اُتے گردش کردا اے۔ ایہدے پُھل سفیدی مائل تے کونےآں توں جامنی ہُندے نیں۔ پتّے دھݨیے یا گاجر دے پتّےآں ونگوں کٹے پھٹے، ادھے انچ توں ڈھائی انچ تک لمبے ہُندے نیں تے ادھے انچ دے قریب چوڑے ہُندے نیں۔ شاہترے دا پودا ﭼار انچ توں ﮈﯾﮉﮪ فٹ تک اُچا، نازک، چٹیائی مائل ہرا تے پیلاہٹ آݪا ہُندا اے۔ ﺷﺎﮨﺘﺮے دا پودا عمومن کݨک تے جؤ دے کھیتاں وچ سردیاں دے موسم وچ اُگدا اے تے گرمیاں وچ سُک جاندا اے، موسم برسات وچ ایہدی جڑ فیر ہری ہوجاندی اے۔ ایہدا ذائقہ کوڑا ہُندا اے۔

افعال تے استعمال[سودھو]

مصفی خون، دافع حمی، دافع تعفن، مدر بول (پیشاب آور)، مشتہی، مقوی جگر اے۔

1۔ شاہترہ خون صاف کردا اے۔ فسادِ خون دے مرضاں، خارش، پھوڑے پھنسیاں تے آتشک تے سوزاک دے علاج لئی ورتیا جاندا اے۔

2۔ بخار وچ فائدہ مند اے۔

3۔ ضعف اشتہاء دے وقت فائدہ مند اے۔

4۔ ضعف جگر وچ کار آمد اے۔

5۔ ایہدا نفع خاص: مصفی خون ہوݨا اے۔

مضر، مصلح تے بدل[سودھو]

مضر: ریہہ لئی مضر اے۔

مصلح: ایہدا مصلح کاسنی اے۔

بدل: ایہدا بدل چرائتہ اے۔

مقدار تے ترکیب[سودھو]

مقدار: 7-10 گرام ۔

ترکیب استعمال: سفوف، جوشاندہ، عرق ۔

کیمیائی اجزاء[سودھو]

Alkaloids: isquinoline protoberberines spirobenzyl isoquinoline

flavanoids potassium salts

Acids: fumaric acid Chlorogenic acid

حوالے[سودھو]