شیطانی سمندر

وکیپیڈیا توں
Jump to navigation Jump to search

شیطانی مثلث جاں شیطانی سمندر جسےنوں اژدہا مثلث (ڈریگن ٹرائی اینگل) وی کہندے نیں دراصل برمودا تکون وانگ اک پراسرار تھاں اے جو بحرالکاہل چ جاپان تے فلپائن دے نزدیک واقع اے۔ا یہ جاپان دے ساحلی شہر یوکوہاما ، ماریانا جزیرےتے فلپائن دے جزیرے گوام دے درمیان واقع اے۔ اس سمندر نوں جاپانی لوگ مانواومی مانو اومی کہندے نیں جس دے معنی شیطان دا سمندر اے۔ برمودا تکون تے شیطانی سمندر اتے تحقیق کرن والےآں چ اک بوہت مشہور ناں چارلس برلٹز دا اے۔ اوہ اپنی کتاب "دی ڈریگن ٹرائینگل" چ لکھدا اے: 1952 توں 1954 جاپان نے اپنے پنچ وڈے فوجی جہاز اس علاقے چ گوائے نیں۔ تے گواچے لوکاں دی گنتی 700 توں اوپر اے۔ اس معمہ دا راز جانن لئی جاپانی حکومت نے اک جہاز اتے 100 توں ودھ سائنسداناں نوں سوار کیتا۔ پر شیطانی سمندر د ا معمہ حل کرن والے خود معمہ بن گئے۔ اس دے بعد جاپان نے اس علاقے نوں خطرناک علاقہ قرار دے دتا۔ایہ علاقہ بوہت خطرناک اے ۔