عارضی حکومت آزاد ہند
عارضی حکومت آزاد ہند یاں صرف آزاد ہند ، 1943ہ چ سنگا پور چ قائم ہندستان دی جلاوطن حکومت سی ۔ [[ ایہہ 1940ء دی دہائی چ ہندستان دے باہر پیدا ہون آلی سیاسی تحریک دا حصہ سی جس دا مقصد محوری طاقتاں دا اتحادی بن کے ہندستان نوں برطانیہ آزاد کروانا سی ۔
ایہہ ہندستان دے جلاوطن قوم پرستاں نے دوجی جنگ عظیم دے دوران جاپان دی مالی ، فوجی تے سیاسی مدد نال ، ہندستان چ برطانیہ دے قبضے دے خلاف قائم کیتی سی ۔ ایہہ عارضی حکومت 21 اکتوبر 1943ء چ نیتاجی سبھاش چندر بوس دے نظریہ توں متاثر ہو کے قائم کیتی گئی سی جہڑا کہ جلاوطن عارضی حکومت دا صدر تے اک رہنما وی سی ۔
ایہہ عارضی حکومت برطانیہ دے قبضے تھلے ہندستان دے علاقے تے اثاثےآں تے دوجی جنگ عظیم چ جاپان ولوں ہندستان دے فتح کیتے گئے علاقےآں تے حق دا دعوی کردی سی ۔ آزاد ہند حکومت دا سکہ ، عدالتاں تے قنونی ضابطے سن تے بوہت سارے لوکاں دے خیال چ ایہہ حکومت دے وجود دی وجہ توں ہندستان دی آزادی دی تحریک نوں قنونی جواز مل گئیا سی ۔