فلر مائیکرومیٹر

فلر مائیکرومیٹر اک آلہ اے جہڑا فکلیاتی دوربیناں چ فلکیاتی ناپاں لئی ورتیا جاندا اے ۔ لفظ فلر لاطینی بولی دے لفظ فیلم یعنی دھاگا توں نکلیا اے ۔ اس آلے نوں فلر مائیکرومیٹر اس چ لگے باریک دھاگےآں دی وجہ توں آکھیا جاندا اے ۔

تیاری تے ورتوں

فلر مائیکرومیٹر اک مائیکرومیٹر تے اک ریٹیکل(باریک جالی) جس چ دو باریک تاراں یاں دھاگے متوازی ہندے نیں ، جنہاں نوں ویکھن آلا سکریو میکنزم نال حرکت دے سکدا اے ، تے مشتمل ہندا اے ۔ اک ویلے اس چ عام طور تے سپائڈر سلک نوں دھاگے دے طور تے ورتیا جاندا سی ۔

اک دھاگے یاں تار نوں اسمان دے کسے جسم تے رکھ کے تے دوجے دھاگے نوں حرکت دے کے دوجے جسم تے رکھ کے ، دوناں دھاگےآں دا درمیانی فاصلہ آلے دے مائیکرومیٹر نال ناپیا جا سکدا اے ۔ اس توں دوناں جسماں دا زاویائی فاصلہ (اینگولر ڈسٹنس)معلوم کیتا جاندا اے ۔

فلر مائیکرومیٹر دی عام ورتوں دوہرے تارےآں وچکار فاصلے دی پیمائش اے ۔

اس دی آسٹرونومی چ فلر مائیکرومیٹر دی ورتوں بوہت گھٹ اے تے اسدی تھاں نویاں تکنیکاں نے لے لئی اے ۔