لوور

لوور، فرانس دا سَبھ توں وڈا تے دنیا وچ سبھ توں چوکھا دیکھیا جاݨ والا میوزیئم اے۔ اے فرانس دے شہر پیرس وچ سین دریا دے کنڈے تے اے۔ ایتھے وکھالے لئی 35000 چیزاں رکھیاں ہویاں نیں۔ ایتھے دکھالے لئی رقبا 60600 مربع میٹر اے۔ ابتھے تریخ توں پہلے توں لے کے 19ویں صدی تک دیاں شیواں رکھیاں ہویاں نیں۔ میوزیئم 1793 وچ قائم ہویا سی۔ ^[۱]

مائلو دی وینس

مائِلو دی وینس اک پرانا یونانی مجسما اے تے پرانے یونانی مجسمیاں وچ چوکھا مشہور اے۔ ایہنوں 100 توں 130 م پ بنایا گیا سی۔ اے پیار تے روپ دی یونانی دیوی افروڈايٹ دی مورت اے۔ ایہ چٹے پتھر نال بنیا 6 فٹ تے 8 انچ اُچا اے۔ ایہدیاں بانہواں تے پلنتھ گم گئے نیں۔ خیال اے کہ ایہنوں انطاکیہ دے اسکندروس نے بنایا سی۔ ایہ مجسما 1820ء وچ ایجیئن دے اک جزیرے مائلوس وچوں لبھیا تے اوتھوں ایہنوں فرانس لیا کے لوور وچ رکھیا گیا۔

سیموتھریس دی نائیکے

سیموتھریس دی نائیکے اک پرانی یونانی بتی اے اے یونانی جت دی دیوی نائیکے دی مورت تے دوجی صدی پ م چ چٹے پتھر نال بنی سی۔ 1884 توں اے لوور چ اے۔ اینون 1863 چ یونان چ لبیا گیا سی تے اے 190 م پ بنی سی۔ نايکے اک دیوی دی مورت ای نیئں اے اک لڑائی چ جت دی نشانی وی اے۔