لیلۃ المبیت

لیلۃ المبیت اُس رات دا ناں اے جس وچ علی ابن ابی طالب علیہ السلام بستر رسول خدا صلی اللہ علیہ وآلہ وسلم اُتے آنحضرت دی حفاظت دے پیش نظر سو گئے سن، تے اس اُتے سورہ بقرہ دی ایہ آیت نازل ہوئی سی حسب روایات؛

وَمِنَ النَّاسِ مَنْ يَّشْرِىْ نَفْسَهُ ابْتِغَآءَ مَرْضَاتِ اللّـٰهِ ۗ وَاللّـٰهُ رَءُوْفٌ بِالْعِبَادِ ⁽²⁰⁷⁾

ایہ آیت مبارکہ آية ليلة المبیت دے ناں توں معروف اے تے اہل تشیع دے نزدیک امیرالمومنین علی ابن ابی طالب دے فضائل وچ نازل ہون والی آیات وچوں اہم ترین اے۔

ایہ اوہی رات اے جس وچ سرداران قریش نے جناب محمد بن عبداللہ رسول خدا نوں نعوذباللہ قتل کرنے دا منصوبہ بنایا سی، لیکن علی ابن ابی طالب رسول خدا صلی اللہ علیہ وآلہ وسلمدے بستر اُتے سو گئے تے قریش دا ایہ منصوبہ کامیاب نہ ہو سکیا۔

لیلۃ المبیت دا ماجرا

جدوں کفار دین اسلام ، اس دی آفاقی دعوت تے روز بروز مسلماناں دی ودھدی تعداد توں خائف ہوئے تے نعوذ باللہ اس دین دا قلع قمع کرنے دے لئی دار الندوة وچ صلاح مشورے دے لئی جمع ہوئے۔