لیمبورگینی اراکان

وکیپیڈیا توں
Jump to navigation Jump to search
لیمبورگینی اراکان

لیمبورگینی اراکان اک کھیڈ کار اے جینوں اٹلی دی کمپنی لیمبورگینی بناندی اے۔ اینوں 2014 وچ ویچنا ٹوریا گیا تے اینے لیمبورگینی دی سب توں بوتی وکن آلی کھیڈ کار گلارڈو دی تھاں لے لئی۔ ایداں پورا ناں اراکان LP 610-4 اے جیدا مطلب اے کہ ایدا زور 610 ہارسپاور تے ایہ زور چارے ٹائراں تک جاندا اے۔ ارکان نوں ٹاپ گیئر رسالے نیں 2014 دی سب توں ودہیا کھیڈ کار دی جت دتی۔

اراکان دا ناں دوجی کئی لیمبورگینی کھیڈ کاراں آر سپین دے لڑاکہ بیلاں چوں اک اتے رکھیا گیا اے۔ اراکان نکی لیمبورگینی اے: اک ویلے تے لیمبورگینی دیاں دو کھیڈ کاراں ہوندیاں نیں اک وی 12 انجن آلی وڈی تے اک نکی وی 10 انجن آلی کھیڈ کار۔ اراکان وچ وی لیمبورگینی دا وی 10 انجن لگیا ہوندا اے جیڑا 610 ہارس پاور بناندا اے۔ نکی لیمبورگينی ہون دے باوجود بوت ٹریکاں اتے اینے لیمبورگینی اوینٹاڈور توں تیز ریکارڈ بنانیا اے۔ لیمبورگینی اراکان وچ ڈبل کلچ گیئر سسٹم لگیا ہوندا اے۔ اس نال گیئر بوت تیز بدلدے نیں۔ ڈبل کلچ سسٹم وچ دو کلچ ہوندے نیں جیناں چوں اک کلچ ایون نمبراں آلے گيئر پھڈدا اے تے دوجا کلچ آڈ نمبر آلے گیئر۔ اس نال ہر ویلے اگلا گیئر ہر ویلے لان لئی تیار ہوندا اے۔