مجاہد جتوئی

وکیپیڈیا توں
Jump to navigation Jump to search
مجاہد اقبال جتوئی
جیون: 22 جولائی 1951
جمن پو : خانپور کٹورہ ضلع رحیم یار خان، پاکستان
کم: بپار
گن: کتاباں لکھنا

مجاہد اقبال جتوئی اک لکھاری نیں تے اوہناں خواجہ غلام فرید دے دیوان نوں کھوج تے پجھ پڑتال کے چھاپیا اے۔

جم پل[لکھو]

مجاہد جتوئی 22 جولائی 1951 نوں جمے۔ اوہناں دے پیو دا ناں مرید حسین راز جتوئی اے۔ اوہناں 5ویں تک مڈھلی پڑھائی خانپور ہائی سکول توں کیتی۔ علم دی کھچ محاہد نوں اپنے پرکھاں توں ملی۔

کم[لکھو]

1977 وچ اوہ کم لئی وانڈھے گۓ۔ 1988 وچ ہور دیس پریمیاں نال رل کہ دکھنی پنجاب دے حقاں لئی تے لوکاں دے جیون نوں ودھیا کرن لئی لوکاں نوں جگان دا مڈھ رکھیا۔

محاہد جتوئی نوں خواجہ فرید نال، اوہدی شاعری تے اوہدی ہر شے نال پیار اے۔ ایس لئی اوہنے خواجہ فرید فاؤنڈیشن بنایا۔ ایہدے نال خواجہ فرید میوزیم تے خواجہ فرید لائیبریری وی بنائی گئی اے۔

مجاہد جتوئی شاعر وی ہن تے تھلے اوہناں دی شاعری دا اک ادھارن دتا گیا اے:

جیندے گل وچ طوق ہزاراں
جیندا تن ہے لیر کتیراں
جیندے ساہ تے سوسوپہرے
اُوندیاں عیداں کہییاں
ہک ڈینھہ آ ویسی
پنجرا ترٹسے
قیداں مک سن
اپنڑے باغ دے مالک تھیسوں
اوں ڈینھ عید کریسوں

پہلی فروری 2014 نوں اوہناں دیوان فرید بالتحقیق چھاپی۔ ایہ 755 پنیاں دی کتاب اے جیہدے وچ خواجہ غلام فرید دے شاعری نوں کھوج کرکے ٹھیک حالت وچ لکھیا گیا اے۔ رپھڑی تے اوکھے شبداں تے لمی گل کیتی گئی تے ایہدے وچ مورتاں وی نیں۔

کتاباں[لکھو]

  • باتیں پیر فرید کی
  • اطوار فرید
  • حضرت خواجہ غلام فرید 101 سوال جوابے۔
  • حضرت خواجہ غلام فرید 101 سوال
  • سلک فریدی
  • کلام فرید وچ چولستانی حوالے
  • جیسا میں نے سوچا
  • رازنامہ
  • حیات المحبوب
  • دیوان فرید بالتحقیق (2014)

بارلے جوڑ[لکھو]