معاہدہ پورندر (1665ء)
معاہدہ پوراندر (1665ء) مغلیہ سلطنت دے سپہ سالار جے سنگھ اول تے مرہٹہ سلطنت دے بانی شیواجی دے وچکار 11 جون 1665ء نوں طے پایا۔
پس منظر
[سودھو]مغل فوج دے سپہ سالار جے سنگھ اول نے 1665ء وچ قلعہ پوراندر دا محاصرہ کے لیا تاں مرہٹہ فوجاں قلعہ بند ہوگئياں۔ مغل فوج دے محاصرے نے شیواجی نوں اک معاہدے اُتے مجبور کر دتا۔ اِس معاہدے توں مرہٹہ سلطنت تے شیواجی نوں بہت نقصان پہنچایا۔ ایہ معاہدہ 11 جون 1665ء نوں قلعہ پوراندر وچ طے پایا۔ اِس معاہدے دے تحت شیواجی دی آگرہ آمد نوں یقینی بنادتا گیا تاکہ اوہ مغل شہنشاہ اورنگزیب عالمگیر دے دربار وچ خود حاضر ہوئے۔
معاہدے دیاں شرطاں
[سودھو][[شیواجی] معاہدہ دے مطابق اپنے 23 قلعے تے نیڑے چار لکھ ہون دی سالانہ آمدنی دی زمین مغلاں نوں دینے دے لئی راضی ہوئے گیا.
شیواجی نوں ہر حال وچ مغل فوج نوں امداد فراہم کرنا ہوئے گی، جتھے مغل فوج نوں ضرورت ہوئے۔
شیواجی دا بیٹا سامبھاجی پنج ہزاری مغل منصبداری اُتے فائز ہوئے گا۔
جے شیواجی کونکن دے علاقے دا جو بیجاپور سلطنت دا حصہ اے، مطالبہ کرے تاں اُسنوں مغلیہ سلطنت نوں 40 لکھ روپیہ بطور معاوضہ ادا کرنا ہون گے۔