ملتانی دا قندھاری لہجہ

وکیپیڈیا توں
Jump to navigation Jump to search

سرائیکی زبان بہوں وڈے علاقے تے درگھری ہوئی ہے ۔ اے پاکستان کنوں گھن کراہیں ، ہندوستان ، افغانستان اتے وچکارلے ایشیا ء دے کئی ملکیں تک الائی تے سمجھی ویندی اے ۔

سرائیکی دا ناں اختیار کرن کنوں پہلے ایہہ اپنے علاقائی نانویں نال سنجانی ویندی ہئی ۔ انھیں نانویں وچوں ہک نا ں ملتانی وی ہا ۔ افغانستان دے کئی علاقیں خصوصی طور تے جیندے وچ قندھار وی شامل اے ۔ پرانے ہندو سرائیکی دا ملتانی لہجہ الیندن اتے اینکوں کہیں کہیں ویلھے قندھاری وی اہدن ۔

افغانستان دی خراب صورت حال دی وجہ کنوں بہوں سارے ہندو قندھار کنوں افغانستان دے بنھیں علاقیں دے علاوہ ، ڈوجھے ممالک وچ چلے گئے جنھیں اچوں جرمنی اتے نیدرلینڈ شامل ہن ۔

سرائیکی دا قندھاری لہجہ جینکوں ہندو ملتانی اہدن اج وی ملتانی لہجے نال ملدے ۔ اتھاں میں مختلف پہلوؤئیں دے حوالے نال کجھ مثالاں ڈینداں قندھاری دی گنتری ہِک کنوں سو تائیں بلکل ہکا اے ۔ جیڑھی اج وی سرائیکی دے ملتانی لہجے وِچالائی ویندی اے

ملتانی قندھاری دے فقرے دی بناوٹ اینویں ہے ۔ جیویں سرائیکی دی ہے ۔ ہک افغان ہندو جیڑھا جرمنی وچ رہندے اتے مذکورہ افغان ویب سائیٹ دا مالک ہے اوندے نال فورم دے ذریعے رابطہ تھیا اتے میں اوں کولوں ملتانی قندھاری دے وچ کجھ سرائیکی فقرے لکھن دا آکھیا۔ جیڑھے اوں لکھ بھیجے اَتے او ہن وی فورم تے موجو ہِن ۔ رومن رسم الخط وچ لکھے ہووے اُو قندھاری فقرے ایں ہن ۔ ’’ایہہ ہک گھوڑا ہے ۔ ایہہ چار پیر رکھدا ہے ۔ ایہہ وفادا ر جانور ہے ۔ ایہہ میڈا ہے ۔ میکوں پیارا لگدا ہے۔ ایندی قیمت ڈاہ ہزار روپے ہے اِتھوں اے ظاہر ہے جو قندھاری سرائیکی زبان دا ملتانی لہجہ ہے

ملتانی قندھاری وِچ سرائیکی دیاں مخصوص آوازاں وی موجود ہِن ۔ جیویں جواُتلے پیرے وچ ہک ڈوں آوازاں ڈٹھیاں ونج سگدن ۔

قندھاری ملتانی تے سرائیکی دے مصدر بلکل ہکو جئیں ہِن ۔

ہور پڑھو[لکھو]

پنجابی دے لہجے
ماجی ہندکو ملتانی مالوی پودھی دوآبی پوٹھوہاری ڈوگری گوجری کانگڑی گھیبی چھاچھی دھنی پہاڑی ڈیری ریاستی جانگلی کوہاٹی جندالی شاہ پوری