ملیکارجُن کھڑگے

ملیکارجُن کھڑگے
جم	21 جولائی 1942 (82 سال)  کرناٹک
وفات
شہریت	بھارت برطانوی ہندستان ڈومنین بھارت (۱۵ اگست ۱۹۴۷–)
جماعت	انڈین نیشنل کانگرس
تعداد اولاد	5
عملی زندگی
پیشہ	سیاست دان

ماپنا ملیکارجُن کھڑگے (جنم 21 جولائی 1942) اک بھارتی سیاستدان اتے 16 ویں لوک سبھا وچ کانگرس دا لیدر ہے۔ اوہ بھارت سرکار وچّ ریلوے دا سابقہ وزیر ہے۔ اوہ بھارتی قومی کانگرس (انکا) دا میمبر ہےاتے 2009 دے بعد گلبرگ، کرناٹک توں پارلیمنٹ میمبر ہے۔ اوہ کرناٹک دا اک سینئر سیاستدان ہے اتے 2014 دیاں عامَ چوناں لڑن توں پہلاں کرناٹک ودھان سبھا وچ مخالف دھر دا آگوُ سی۔ اس توں پہلاں اوہ 2008 کرناٹک راج ودھان سبھا چوناں دے دوران کرناٹک پردیش کانگرس کمیٹی دا پردھان سی۔

اوہ ریکارڈ لگاتار 10 وار چون جتیا ہے۔ اس وچّ لگاتار 9 وار (1972, 1979, 1983, 1985, 1989, 1994, 1999, 2004, 2008,2009) ودھان سبھا چون جتیا سی اتے آخری گلبرگ توں2014 دیاں عام چوناں وچّ جتیا۔ کھڑگے نوں اک صاف عوامی بمب والا اتے نال نال سیاست، قانون اتے اگوائی دی اہلیت دا دھنی قابل آگوُ منیا جاندا ہے۔ ملکارجن کھڑگے نرندر مودی دی اگوائی ہیٹھ راجگ سرکار دے خلاف لوک سبھا وچّ کانگرس پارٹی دے لیڈر دے طور تے نامزد کیتا گیا ہے۔

زندگی

ملیکارجُن کھڑگے ماپنا کھڑگے اتے سباوا دے گھر واروٹی، بھالکی تالکا بدر ضلع، کرناٹک دے اک دلت پروار وچّ پیدا ہویا سی۔ اسنے گلبرگ دے نوتن ودیالیا توں سکول دی پڑھائی مکمل کیتی اتے سرکاری کالج، گلبرگ توں بی اے دی ڈگری دے کیتی اتے گلبرگ وچ سیٹھ شنکر لال لاہوٹی لاء کالج توں اس نے قانون دی ڈگری حاصل کیتی۔ اوہ جسٹس شوراج پاٹل دے دفتر وچ اک جونیئر طور تے اپنی قانونی پریکٹس شروع کیتی اتے اپنے مڈھلے قانونی کیریئر وچّ لیبر یونیناں لئی کیس لڑیا۔

سیاسی کیریئر

مڈھلا کیریئر

کھڑگے نے جد اوہ سرکاری کالج، گلبرگ وچ پڑھدا سی، اک سٹودنٹ یونین دے لیڈر دے طور تے اپنا سیاسی کیریئر شروع کیتا۔ اوہ طلبہ تنظیم دے جنرل سیکٹری دے طور تے چنیا گیا سی۔1969 وچ اوہ ایم ایس کے ملّ کرمچاری یونین دا قانونی صلاح کار بن گیا۔ اوہ سمیکت مزدور سنگھ دا اک بااثر لیبر یونین آگوُ سی اتے مزدوراں دے حقان لئی لڑدیاں بہت ساریاں تحریکاں دی اگوائی کیتی۔ 1969 وچّ، اوہ انڈین نیشنل کانگرس وچّ شامل ہو گیا اتے گلبرگ سٹی کانگرس کمیٹی دا پردھان بن گیا۔

حوالے