مٹالیکا

آزاد انسائیکلوپیڈیا، وکیپیڈیا توں

مٹالیکا اک امریکی ہیوی میٹل بینڈ اے جیڑا لاس اینجلس، کیلیفورنیا چ بنیا۔ مٹالیکا 1981 چ شروع ہویا جدوں گانے گان آلے جیمز ہیٹفیلڈ نیں ڈرمر لارس الرخ دی اخبار چ مشوری ویکھی تے گل بات کیتی۔ اج کل بینڈ چ 4 بندے نیں: گانے گان آلا/گیٹار آلا جیمز ہیٹفیلڈ، ڈرمر لارز الرخ، لیڈ گٹار آلا کرک ہیمٹ تے باس گٹار آلا رابرٹ ٹروجیلو۔ اس توں پہلاں ڈیوو مسٹین، ران مکگوونی، کلف برٹن تے جیسن نیوسٹڈ مٹالیکا دے سنگی رۓ نیں۔

مٹالیکا دی موسیقی دی تیز رفتار، اوزاراں دا ورتنا تے چیخنے دی وجہ توں مٹالیکا ہیوی میٹل/تھریش میٹل دے "وڈے چار" بینڈاں چوں اک اے: مٹالیکا، میگاڈیتھ، اینتھریکس تے سلیئر۔ مٹالیکا دیاں پہلیاں 4 البماں بوت مشہور ہوئیاں تے اوناں دی تیجی البم Masters of Puppets (1986) ہیوی میٹل دی سب توں چنگی البم سمجی جاندی اے۔