مکویان گوریوچ مگ-25

مگ-25
Микоян-Гуревич МиГ-25
کم	جاسوسی تے روک
بنان آلا دیس	سوویت یونین
بنان آلی کمپنی	مکویان گوریوچ
پہلی اڈاری	6 مارچ 1964
خاص ورتن آلے دیس	روس، الجیریا، شام
گنتی	1,186

مکویان گوریوچ مگ-25 سوویت یونین دا جیٹ لڑاکا جعاز اے۔ اے جگ دے سب توں تیز لڑاکا جعازاں چوں اک اے۔ ایدا کم جسوسی کرنا تے دوجے جعازاں نوں روکنا سی۔ اے 1970 وچ سوویت یونین دی ہوائی فوچ وچ آگیا۔ اے ماخ 2۔83 دی تیزی نال تے 75،000 فٹ اچا اڈ سکدا سی(اے ماخ 3۔2 تک وی جا سکدا سی مگر انجن خراب ہوندے سن کرن توں)۔ ایدا ریڈار بوت زور آلا سی تے اے 4 دور تک جعازاں نوں مار کرن آلے میزائل لے کر جاندا سی۔

امریکہ نے جدوں سیٹلائٹاں توں مگ-25 ویکھیا تے اوہ سمجیا کے اے جعاز بوت پھرتیلا اے جیڑا اس ویلے دے امریکی جعاز ایف-4 نوں مار سکدا اے۔ جس وجہ توں اونھاں نیں ایف-15 تے ایف-16 بناۓ۔ مگر جدوں سوویت یونین دا اک پائلٹ جعاز لے کر جپان نسیا تے فیر اس جعاز دے بارے چ ٹھیک پتہ چلیا۔ امریکی اس ویلے اے ویکھ کے حیران ہوگۓ کہ سوویت یونین ہلے تک ویکیو ٹیوباں آلے کمپیوٹر ورتدا اے(اس ویلے ٹرانسسٹر آلے کمپیوٹر بننے ٹر پۓ سن)۔

بھارت نے وی سوویت یونین توں مگ-25 خریدے تے ایناں نوں اپنے کول بوت چھپا کے رکھیا تے ایناں دا ناں گارود رکھیا۔ 1997 چ اک مگ-25 پاکستان دے شہر اسلام آباد اتے 65،000 فٹ تے آواز توں تیز اڈیا، جس تے پاکستان دی فوج کافی پریشان ہوئی کیونجہ اونھاں دے کول کوئی جعاز نئیں سی جیڑا اینی اچائی تے اینوں روک سکے۔ مگر 2006 وچ سپیئر پارٹاں دی کمی توں ایناں جعازآں نوں فوج چوں کڈ دتا گیا۔

بارلے جوڑ

• [۱]