مکویان گوریوچ مگ-29K
| مگ-29K | |
| Микоян-Гуревич МиГ-29K | |
| |
| کم | ہر فن مولا لڑاکا جعاز |
| بنان آلا دیس | سوویت یونین/روس |
| بنان آلی کمپنی | مکویان گوریوچ |
| پہلی اڈاری | 23 جولائی 1988 |
| فوج وچ پرتی | 2012 |
| خاص ورتن آلے دیس |  روس،  بھارت
|
| گنتی | 20 |
مکویان گوریوچ مگ-29K اک روسی ایئر کرافٹ کیرئیر توں کم کرن آلا ہر فن مولا لڑاکا جعاز اے۔ اے جعاز مگ-29M توں بنایا گیا اے، ایدے وچ کھٹے کئی کم کرن آلا ریڈار جیڑا 120 کلومیٹر دور توں جعاز ویکھ سکدا اے، 300 کلومیٹر توں سمندری جعاز تے 25 کلومیٹر توں ٹینک، لگے آ اے۔ اس توں علاوہ چنگا کاکپٹ، دور تک مار کرن آلے میزائل، سمندری جعازاں نوں مار کرن آلے میزائل تے ٹھیک بمباری کرن آلے بمب لان دی تھاں اے۔
روسی نیوی نوں سو-27K اس توں بوتا چنگا لگدا سی اس لئی 1992 وچ روس نیں مکویان نوں ایس جعاز نوں بنان واسطے مولے روک دتے، مگر مکویان گوریوچ ایدے تے کم کردی رئی۔ بھارت نے 1990 دی دہائی چ روس توں ایئرکرافٹ کیریئر لیا تے اودے توں اڈان لئی جعازاں لئی سو-27K یا مگ-29K دے بارے چ سوچن لگ گئی جس توں مکویان دے پروگرام وچ دوبارہ جان پے گئی۔ آخر بھارت نیں مگ-29K نوں پسند کر لیا تے 2009 چ بھارتی نیوی نوں پہلا مگ-29K دے دتا گیا۔
