میر منو
میر منو(م۔ 1753ء): لاہور دا اک صوبیدار جس دا پورا ناں معین الدین اتے خطاب معین الملک رستم ہند سی۔ دلی دی مغل سرکار نال اس دے خاندان دے پرانے تعلقات سن۔ اس دا پیؤ قمر الدین خاں دلی وچ وزیر سی۔ اس پچھوکڑ کرکے اس نوں اپریل 1748ء وچ لاہور دا صوبیدار بنایا گیا۔
حالات دے وس ہو کے اس نے احمد شاہ درانی دے حملے ویلے اس دی ماتحتی قبول کر لئی۔ فلسروپ اس نوں صوبیداری دے عہدے توں ہٹا کے شاہ مہمان نواز ناں دے اک ہور انسان نوں لاہور دا صوبیدار بنایا گیا۔ شاہ مہمان نواز نوں رستے وچوں ہٹاؤن لئی اس نے دیوان کوڑا مل دی وچولگی نال سن 1751ء (1808 بِ۔) وچ سکھاں توں مدد لئی۔ شاہ مہمان نواز نال ہوئی لڑائی وچ سکھ فوجیاں نے شاہ مہمان نواز نوں مار دتا۔ دیوان کوڑا مل دے تعاون لئی اس نے اس نوں مہاراجہ دا خطاب دتا۔ احمد شاہ درانی دی فوج نال ہوئی لڑائی وچ 6 مارچ 1752ء نوں دیوان کوڑا مل دے مرن توں بعد اس نے سکھاں نال تعلقات وگاڑ کے اوہناں نوں پوری طرحاں ختم کرن دا فیصلہ کیتا۔ پر سکھ جتھیبندی نوں ختم کرن وچ ایہہ ناکام رہا۔ اس تعلق وچ مشہور لوک-گیت اس پرکار اے—
؎ منو ساڈی داتری، اسیں منو دے سوئے۔
جیوں جیوں منو وڈھدا، اسیں دونے چونے ہوئے۔
{{{2}}}
لاہور دے نیڑے گنے دے کھیت وچ سکھاں نوں گھیر کے مارن دی مہم ویلے ایہہ گھوڑے توں ڈگ کے 4 نومبر 1753ء نوں مر گیا۔ اس نوں لاہور وچ ہی دفنایا گیا۔ اس دے مرن نال سکھ-طاقت مضبوط ہو گئی۔