میکسیکن ایکسولاٹل

میکسیکن ایکسولاٹل نامی اک جاندار اک عرصے توں سائنسداناں دی توجہ دا مرکز اے کیوں جے اوہدے بارے وچ ایہہ کہیا جا رہیا اے کہ ایہہ مر کے دوبارہ پیدا ہو سکدا اے۔

میکسیکن ایکسولاٹل بطور خاص میکسیکو دی جھیل وچ پایا جاندا اے۔ ایہہ پانی دے نال زمین اُتے وی زندہ رہ سکدا اے۔ چھپکلی دی طرحاں نظر آن والا ایہہ انوکھا جاندار اپنے عضو نوں دوبارہ پیدا کرن دی غیر معمولی صلاحیت رکھدا اے۔

سائنسداناں دا آکھنا اے کہ ایکسولاٹل اپنی ریڑھ دی ہڈی وچ آن والی سَٹ نوں وی درست کرن دی صلاحیت رکھدا اے تے جے اوہ ٹوٹی نہیں ہوندی تے اوہ معمول موجب کم کردا اے۔ ایتھے ایہہ امر توجہ طلب اے کہ مر کے فیر زندہ ہون دے امکانات دے باوجود اوہنوں ناپید ہون دا خطرہ لاحق اے۔

دوجے پاسے سائنسدان ایہہ وی آکھدے نیں کہ اوہدے وچ عمل تولید وی آسان اے۔ سائنسداناں نے اوہناں خلیات دی شناخت کر لئی اے جیہڑے اعضاء دے دوبارہ پیدا ہون دے ذمہ دار نیں پر عضو دے دوبارہ تیار ہون دے عمل نوں تفصیل نال سمجھن لئی محققین نوں خشکی تے پانی دوویں جگہ رہن دی صلاحیت رکھن والے جاندار دے جینوم نال منسلک بہت ساری معلومات دی لوڑ ہووے گی تے ایس جاندار دے جینومز دی 32,000ملین تعداد ہون دی وجہ توں حالے تیک ایہہ ممکن نہیں ہو سکیا اے۔