نگر

وکیپیڈیا توں
Jump to navigation Jump to search
نگر
Nagar
Pakistan - Gilgit-Baltistan - Nagar.svg
دیس : پاکستان Flag of Pakistan.svg
صوبا : گلگت بلتستان
ضلع : نگر
تحصیلاں : نگر
رقبا : مربع کلومیٹر
لوک گݨتی :
بولی : بروشسکی، وخی

نگر پاکستان دے صوبا گلگت بلتستان دے ضلع نگر وچ اک شہر اے ۔ ایہ ضلع نگر دا راجگڑھ وی اے ۔ ایتھے دے باشندے ، جہڑے کہ بروشو کہلاندے نیں ، شمال دے قدیم ترین تے اولین آبادکار نیں ۔ ایتھے دے لوکاں دی بولی بروشسکی اے ۔

موسم[لکھو]

نگر دی آب و ہوا سردیاں چ سخت سردی تے گرمیاں چ موسم خوشگوار ہندا اے ۔ سردیاں چ پالا منفی 10 ڈگری سینٹی گریڈ تک ہندا اے ، جدوں کہ گرمیاں چ درجہ حرارت 15 ڈگری سینثی گریڈ تک ہندا اے ۔

لوک[لکھو]

نگر دے لوک بوت مہمان نواز نیں ، ایتھے دے لوک امن پسند تے مہماناں دا خیال رکھن آلے نیں ۔ نگر دے لوک بروشو قوم نال تعلق رکھدے نیں تے اینیاں دی وڈی گنتی بروشسکی بولی بولدے نیں تے کچھ وخی تے شینا بولی وی بولدے نیں ۔ ایس توں علاوا اردو تقریبن سبھ لوک بولدے نیں ۔


تریخ[لکھو]

نگر دی تریخ بہت پرانی اے ۔ ایہہ پہلاں بروشال دے ناں نال مشہور سی ۔ جیہدا راجگڑھ کیپل ڈونگس سی ۔ ایتھے دے راجے تھم کہلاندے سن ، تے ایہہ اج دے نگر تے ہنزہ تے مشتمل سی ۔ چونکہ کیپل ڈونگس دے چار چوفیرے برفانی گلیشیئر سن ، جنہاں دے ودھن نال ایتھے دا آبپاشی دا نظام بوت متاثر ہوئیا تے ایتھوں لوک ہوپر وچ آ کے آباد ہوگئے ۔ ایس توں مگروں راجا میور خان دے پتراں مغلوٹ تے گرکس نے بروشال نوں نگر تے ہنزا وچ ونڈ لیا ۔


نگر دے پہاڑ[لکھو]

نگر وچ بوت سارے نکے وڈے پہاڑ نیں ، جنہاں چ راکا پوشی 7788 میٹر ، گولڈن پیک 7027 میٹر ، دیران 7275 میٹر تے اس دے علاوہ بیافو گلیشیئر مشہور نیں ۔


اینگلو بروشو جنگ[لکھو]

نگر تے ہنزا چھوٹیاں ریاستاں سن تے ایہہ اپنی آمدنی دا زیادہ حصہ چین توں آن آلے تجارتی قافلےآں نوں لٹ کے حاصل کردیاں سن ۔ چونکہ انگریز ایتھوں دیں روس تائیں تجارت کرنا چاہندے سن ، پر ایہہ ریاستاں ایداں کرن توں روک رہئیاں سن ۔ اس لئی 1891ء چ کرنل ڈیورنڈ دی آگوائی چ نگر تے حملے دا فیصلہ کیتا گئیا تے نگر ول فوجاں دی پیش قدمی شروع ہو گئی ۔ انگریزاں نے 6 مہینے تک نلت قلعے دا محاصرہ کیتا ، چھیکڑلے اک غدار دے مدد نال انگریز فوج قلعے دے اتلے پاسے اک چوٹی تے پہنچ گئی تے قلعے تے حملہ کر دتا ۔ ایداں نگر دی ہزاراں سالاں تے مشتمل آزادی ختم ہوگئی ۔ اس جنگ چ انگریز فوج نوں 4 وکٹوریہ کراس ملے جہڑے اصل وچ نگر دی چھوٹی جہی فوج دی بہادری دا اعتراف اے ۔


محل وقوع[لکھو]

نگر دے لہندے پاسے گلگت ، چڑھدے پاسے چین ، اُبھے پاسے ہنزا تے لمے پاسے بلتستان اے ۔ گلگت توں 40 کلومیٹر دے پندھ تے نگر دی پہلی آبادی چھلت آوندی اے جیہڑی نگر دے شمال وچ واقع اے ۔ایہہ شمال ول نگر دی کلی آبادی اے ۔

گلگت بلتستان دی آزدی وچ نگر دا حصا[لکھو]

انج تاں گلگت بلتستان دی ڈوگرےآں توں آزادی وچ سارے آزادی وچ سارے گلگت بلتستان دے لوکاں دا کردار اے پر نگر دا کیپٹن بابر خان اوہ پہلا شخص سی جیہنےڈوگرےآں دے خلاف بغاوت شروع کیتی سی ۔ فیر ایس توں علاوا نگر دا ای کرنل احسان علی خان وی شامل ہو گیا جیہڑا کہگلگت بلتستان دا پہلا کمیشنڈ آفیسر سی ۔ کرنل مرزا حسن خان دا تعلق وی نگر نال سی ۔ فیر جد گلگت بلتستان دے ظالم میراں دے خلاف بغاوت ہوئی تاں اوہ وی نگر توں ای شروع ہوئی سی ۔