تھاں
تھاں، کِسے جگہ، علاقے یا مقام نوں کہیا جاندا ہے۔ ایہہ زمین یا پاݨی اُتے ہوسکدا ہے جیہڑا کِسے مُلک، ادارے، انسان یا جانور دی ملکیت ہوسکدا ہے۔
ایہہ کِسے اوس علاقے نوں وی کہیا جاسکدا ہے جیہڑا کِسے مُلک دے ماتحت ہووے تے ایہ صوبے دے برابر وی ہوسکدا ہے۔
لفظ "تھاں" پنجابی زبان دا اک مقامی لفظ ہے۔ ایہی لفظ سنسکرت وچ "استھان" بݨ گیا۔ فارسی وچ ایہنوں "استاں" کہیا جاندا ہے جیہڑا فارسی وچ صوبے لئی وی ورتیا جاندا ہے۔ ایتھوں ہی لفظ "آستانہ" بݨیا ہے۔
"ستھان" پنجابی زبان دا اک پچھیتر اے تے ایہ پنجابی لفظ "تھاں" توں بݨیا ہے۔ فیر ایہہ پچھیتر فارسی وچ شامل ہوگیا۔ فارسی وچ "تھ" دا اکھر تے آواز نِیہ ہوندی، ایس لئی پنجابی دا ایہہ پچھیتر "ستھان" فارسی وچ "ستان" بݨ گیا۔