نیٹرو گلسرین

آزاد انسائیکلوپیڈیا، وکیپیڈیا توں
نیٹرو گلسرین
noframe
نیٹرو گلسرین دی مورت
خاصیتاں
کیمیائی فارمولا C3H5N3O9
مول وزن 227.09 گرام/مول
وکھالہ بے رنگا پانی سار
پگلن نمبر 14 ° سینٹی گریڈ
ابلن نمبر 50 ° سینٹی گریڈ تہ جا کہ پھٹ جاندا اے
تیزابیت ؟
noframe
نیٹرو گلسرین دا ڈھانچا

نیٹرو گلسرین اک پعاری، بے رنگا، تیل ورگا، پھٹن آلا پانی سار اے۔ ایہ گلسرول نوں تیز سفیر شورے دے تیزاب دی مجودگی وچ نائٹریٹ کرن نال بنایا جاندا اے۔ اینوں 1847 وچ لبیا گیا سی تہ اینوں بمب بنان لئی ورتیا گیا سی۔ ایدا اک خاص ورتن ڈائنامائٹ بارود اے جس نال کھدائی تے کاناں بنان لئی پعاڑ تے ہور دھرتی دی رکاوٹاں نوں توڑیا جاندا اے۔ 1880 دی دہائی توں اینوں جنگی ورتن وی لب گۓ جیناں وچ راکٹاں دا بالن، ہور بمب بنانا تے نیٹرو سیلولوز بنانا آندے نیں۔

نیٹرو گلسرین نال ہتھ نال لوڈ ہون آلے کارتوس وی بناۓ جاندے نیں۔ پچھلے کوئی 130 وریاں توں اینوں علاج وچ خون دی نالیاں نوں کھولن لئی ورتیا جا ریا اے۔ اس لئی ایہ دل دیاں بیماریاں تے دوریاں دے علاج وچ ورتیا جاندا اے۔ ایہ اصل چ اندر جا کہ نائٹرک آئکسائڈ بن جاندا اے جیڑی نالیاں نوں پھلا کہ خون گزرن وچ آسانی کر دیندی اے۔