ولیئم شیکسپیر

آزاد انسائیکلوپیڈیا، وکیپیڈیا توں
(ولیم شیکسپیر توں مڑجوڑ)
ولیم شیکسپیر
انگریز شاعر
جیون: 26 اپریل 1564 سٹریٹفورڈ، انگلینڈ
مرن: 23 اپریل 1616 سٹریٹفورڈ، انگلینڈ
کم : شاعر ڈرامہ لکھاری

ولیم شیکسپیئر انگریزی دا منیا ہویا شاعر تے ڈرامہ لکھاری اے۔ شیکسپیر نے 38 ڈرامے 154 سونٹ دو وڈیاں نظماں تے ہور کئی نظماں لکھیاں۔

جم پل[سودھو]

ولیم شیکسپیئر جان شیکسپیئر تے میری آرڈن دا پتر سی۔ اوہ سٹریٹفورڈ ایون، واروکشائر، انگلینڈ وچ اک انجان دن جمیا تے تے 26 اپریل 1564 نوں اوہنوں گرجے وج سائی بنایا گیا۔ اوہ 8 نیانیاں وچ تیجا تے سب توں وڈا پتر سی۔ ایہ گل پک تے نئیں پر تریخ لکھاری ا یس تے پک نیں جے اوہ کنگز نیو سکول سٹریٹفورڈ توں پڑھیا۔ اوہ 18 ورے دا سی جدوں اوہدا ویاہ 26 ورے دی این ہاتھوے نال 27 نومبر 1582 نوں ہویا۔ 6 مہینیاں مگروں اوہناں دی اک ت‏ی سوزانا جمی۔ دو ورے مگروں اک پتر تے اک تئی جمے۔ پتر 11 ورے مگروں مرگیا۔

لندن وچ[سودھو]

شیکسپیئر لندن آندا اے تے اوہدے لکھے ڈرامے 1592 نوں تھٹر وچ چل رۓ سن تے اوہ ڈرامیاں وچ کم وی کر ریا سی۔ رابرٹ گرین اوس ویلے دے اک ڈرامہ لکھاری نے شیسپیئر دی نندا کیتی جے اوہ اگے ود ریا اے۔ 1599 وچ اوہ گلوب تھیٹر کمپنی وچ سی. 1597 وچ اوہنے سٹریٹفورڈ وچ دوجا وڈا کر ملی لیا۔ ایس توں لگدا اے جے اوہ تھیٹر دے کاروبار جوں چنگے پیسے کما ریا سی۔ اوہدے ڈرامے 1594 توں چھپن لگ گۓ سن۔