ٹربائن

وکیپیڈیا توں
Jump to navigation Jump to search

ٹربائین اک گھمن والی (rotary) مشین اے جہڑی کسے مائع دی کائینیٹک جاں پوٹینشل توانائی نوں گرہن کرکے آپ گھمن لگدی اے اتے اپنی شافٹ نال جڑیاں ہور مشیناں جویں کہ جنریٹر وغیرہ نوں گھماؤندی اے۔[1] پون چکیاں اتے پن چکیاں ٹربائین دے مڈھلے روپ ہن۔ بجلئی پاور دی پیداوار وچ ٹربائیناں دی بہت زیادہ اہمیت اے۔ گیس، بھاف اتے پانی نال چلن والیاں ٹربائیناں اک دوجے توں وکھ ہندیاں ہن۔

گیس کمپریسر جاں پمپ وی ٹربائین ورگا ہی ہندا اے پر ایہہ ٹربائین توں الٹا کم کردا اے۔

ٹربائین دی ترقی اتے اصول[لکھو]

Turbines impulse v reaction.png

ٹربائین وچ گھٹ توں گھٹ اک روٹر اسمبلی ہندی اے جہڑا اسدا گتیمان پرزہ ہندا اے اتے ایہہ اک جاں اک توں ودھ بلیڈاں دے نال شافٹ جاں ڈرمّ دے نال اس مشین نوں چلاؤندا اے۔ بلیڈ اپر ترل مادہ جاں ہور کوئی مادہ دباء پاؤندا اے جس نال روٹر جاں گھرنی گھمن لگدی اے۔ مادہ دا ایہہ وہاء روٹر گھرنی نوں کائینیٹک توانائی حاصل کردا اے۔ گیس، بھاف جاں پن ٹربائین وچ عامَ طور تے بلیڈ دے آسے-پاسے اک ڈھکن ہندا اے جہڑا دروَ دی مقدار نوں قابو وچ رکھدا اے۔

شبد "ٹربائین" 1822 وچ فرینچ انجینیئر کلاؤڈ برڈن نے لاطینی شبد "ٹربو" (= بھنور) توں گھڑیا سی۔[2][3] اسدا ذکر اوہناں نے اک لکھتی دستاویز وچ کیتا سی جہڑا رائل سائنس اکادمی پیرس نوں پیش کیتا گیا سی۔ کلاؤڈ برڈن دے سابقہ طالب علم بینوئٹ فورنیرون (Fourneyron) نے پہلی وہارک کم کرن والی واٹر ٹربائین دی اساری کیتی سی۔ بھاف ٹربائین دی کاڈھ دا سہرا بریٹیش انجینیئر سر چارلس پارسنس (1854–1931) نوں ریئیکشن ٹربائین دی کاڈھ دے لئی اتے سویڈش انجینیئر گستاف ڈے لیوال (1845–1913) نوں امپلس ٹربائین دی کاڈھ دے لئی دتا جاندا اے۔ پچھوں جدید ٹربائیناں وچ اک ہی اکائی وچ ریئیکشن اتے امپلس دا استعمال اکٹھیاں ہی کیتا جان لگا اے۔ عامَ طور اتے ریئیکشن اتے امپلس دی ڈگری اسدے بلیڈ دے گھیرے دی جڑ وچ وکھ-وکھ ہندی اے۔

ایہہ وی ویکھو[لکھو]

حوالے[لکھو]

  1. Munson, Bruce Roy, T. H. Okiishi, and Wade W. Huebsch. "Turbomachines." Fundamentals of Fluid Mechanics. 6th ed. Hoboken, NJ: J. Wiley & Sons, 2009. Print.
  2. "turbine". http://www.etymonline.com/index.php?allowed_in_frame=0&search=turbine&searchmode=none. "turbid". Online Etymology Dictionary. http://www.etymonline.com/index.php?term=turbid&allowed_in_frame=0. 
  3. سانچہ:LSJ۔