ٹوپولف ٹو-95

آزاد انسائیکلوپیڈیا، وکیپیڈیا توں
ٹوپولف ٹو-95
کم بوت دور مار کرن آلا وڈا بمبار
بنان آلا دیس سوویت یونین
بنان آلی کمپنی ٹوپولف
پہلی اڈاری 12 نومبر 1952
فوج وچ پرتی 1956
ورتن آلے دیس روس، بھارت
گنتی 600+

ٹوپولف ٹو-95(نیٹو کوڈ ناں: بیئر/رچھ) اک وڈا چار انجناں آلا دور مار کرن آلا بمبار اے۔ اے روسی فوج چ 1956 چ اڈیا تے خیال کیتا جاندا اے کہ اے روس دی فوج وچ 2040 تک رۓ گا۔ اس جعاز دے چار وڈے ٹربو پکھے آلے انجن نے، ہر انجن اتے 2 پکھے لگے ہوۓ نیں جیناں دے 4 بلیڈ نیں۔ دوویں پکھے اک دوجے توں وکھری طرف آواز دی تیزی توں وی تیز کمدے نیں۔ اس طرح بالن بوت کٹ لگدا اے مگر بوت زیادہ شور ہوندا اے۔ اس جعاز دا ایناں شور اے کہ اینوں ٹھنڈی لڑائی چ امریکی سمندری فوج دیاں پنڈوبیاں وی سونار تے سن سکدیاں سن۔ اس جعاز دے پر 35° تے پچھے مڑے ہوۓ نیں ایناں دی وجہ توں اے بوت اچا تے تیز اڈ سکدا اے۔ اے جعاز 15 ٹن دے بمب چک کے 15،000 کلومیٹر دور بمباری کر سکدا اے۔

1961 وچ جگ دا سب توں زور آلا ایٹم بمب، زار بمب، ٹوپولف بیئر چک کے لے کہ گیا تے روس دے اتے اک حالی جزیرے تے سٹ آیا۔ بمب زمین توں 4 کلومیٹر اتے پھٹیا مگر ایدا زور رکٹر سکیل تے 8.1 سی۔ تے دور ناروے سویڈن وچ لوکاں دیاں کھڑکیاں ٹٹ گئیاں سن۔ بمب دے بجلی چٹکے توں کم از کم 2 کینٹے ریڈیو خراب ہوگۓ تے پائلٹ جعاز نوں اندازہ تے واپس اڈا لاۓ۔

اس جعاز نوں ٹھنڈی جنگ دا نشان سمجیا جاندا اے۔

بارلے جوڑ[سودھو]