پروگرامر

آزاد انسائیکلوپیڈیا، وکیپیڈیا توں

کمپیوٹر پروگرامر اوہ بندا ہوندا اے جو کمپیوٹر بولی نال کمپیوٹر پروگرام بناندا اے۔ پروگرامراں نوں سافٹویئر ڈویلپر، کوڈر تے ہیکر وی کیندے نیں۔ پروگرامر دا پہلا کم پروگرام دا کوڈ لکھنا، اونوں ویکھنا کہ اوہ ٹھیک کم کردا اے تے اودے چوں مسئلے مکانا ہوندا اے۔ پروگرامر ایہ کم کرن لئی کج سوفٹویئر ورتدے نیں جنج لکھائی سافٹویئر تے آئی ڈی ای (Integrated Development Enviornment) ایناں نال پروگرامراں دا کم سوکھا ہوندا اے۔

پروگرامر اک خاص دھندہ اے کیونجہ پروگرامر اپنا کم جگ چ کدرے وی بیہ کہ کر سکدا اے اونوں بس اک کمپیوٹر تے انٹرنیٹ دی لوڑ ہوندی اے۔ کج پروگرامر کافی مشہور وی ہوندے نیں کیونجہ اوناں دا سافٹویئر بوت لوک ورتدے نیں جنج لائنس ٹوروالڈز جینے لنکس سسٹم دا اک ضروری انگ لکھیا سی۔

پروگرامنگ کئی بولیاں چ کیتی جاسکدی اے جنج سی++، سی شارپ تے جاوا۔ کمپیوٹر بولیاں اک دوجے توں وکھریاں لگدیاں نیں مگر کم اکو کردیاں نیں۔ کج بولیاں کسے خاص کم واسطے چنگیاں ہوندیاں نیں تہ کج کسے ہور کم لئی۔