پنجابی ناں

پنچاب دی ہزاراں ورھے پراݨی رہتل دے ناں وی ہزاراں ورھے پراݨے نیں۔ دُوجے دیساں دِیاں زبانّاں دے ناں نے وی ایتھے دے لوکّاں وچ رائج ہوگئے۔ ایہناں زباناں وچ عربی، فارسی، ترکی، سنسکرت تے ہندی شامل نیں۔ پنجاب دے لوک بغیر مذہب دے فرق توں پنجاب دے مقامی دیسی ناں رَکھدے سن، ہُݨ وی ایہ ناں رائج نیں پَر ایہناں دی ورتوں گھٹ گئی اے۔

پنجابی مسلماناں نے عربی، فارسی تے ترکی نان٘واں نُوں اپنالیا، زیادہ تَر عربی زبان دے ناں رکھے جان٘دے نیں۔

پنجابی ہندواں نے سنسکرت تے ہندی نام رکھݨے شُرُوع کَر دِتے۔

پنجابی سکھ سنسکرت دی بنیاد اُتے تیار کردہ مخصُوص ناں رکھݨ لگ گئے۔ سِکھ مرداں دے نان٘واں نال "سنگھ" دا پچھیتر لایا جان٘دا اے تے سواݨِیاں دے نان٘واں نال "کَور" دا پچھیتر لایا جان٘دا اے۔ مسلماناں ون٘گوں کئی سکھ وی عربی تے فارسی لفظ اپݨے نان٘واں وچ ورتدے نیں جِداں اقبال سنگھ، گلاب سنگھ وغیرہ۔ سِکھاں دے ناں توں پہلاں لفظ "سردار" فارسی زبان دا لفظ اے۔ "خالصہ" عربی زبان دا لفظ اے۔

پراݨے دیسی پنجابی ناں

مُنڈیاں دے ناں

بوٹا، چانݨ، چَن، سان٘ول، بھورل، مِٹھل، سچل، دیوا، وغیرہ

کُڑیاں دے ناں

بسنتی، سویرا، بھاگو، بھاگاں، سُکھاں، رُوپ، چندا، وغیرہ