پولینڈ دی لڑائی

پولینڈ دی لڑائی 1 ستمبر 1939 توں لے کے 6 اکتوبر 1939 تک پولینڈ تے جرمنی تے سوویت یونین دے وشکار ہون والی اک لڑائی اے۔ ایہ لڑائی دوجی وڈی لڑائی دا مڈ سی۔ 1 ستمبر 1939 نوں ایہ ربنٹراپ-مولوٹوف ایگریمنٹ ہون دے اک ہفتے مگروں ٹری تے 6 اکتوبر 1939 نوں جرمنی تے سوویت یونین دے پولینڈ تے مل مارن مگروں انت ہوئی۔

گرڈ فان رنڈشٹڈ تے فیڈر فان بوک جرمن ہلہ بولن والی فوج دے جرنیل سن۔ ایڈورڈ رائڈز سمگلی پولینڈ دی فوج دا جرنیل سی۔

گرڈ فان رنڈشٹڈ نے دکھنی پولینڈ ولوں پولینڈ تے ہلہ بولیا۔
فیڈر فان بوک دیاں فوجاں نے اتلے پولینڈ تے چڑھدے پرشیا ولوں ہلہ بولیا۔

17 ستمبر نوں سوویت یونین دی لال فوج نے پولینڈ تے ہلہ بولیا۔ 6اکتوبر 1939 تک پولینڈ تے جرمنی تے سوویت یونین مل مارچکے سن تے آپس وچ ونڈ چکے سن۔