پوپ بینیڈکٹXVI

وکیپیڈیا توں
Jump to navigation Jump to search

عیسائی جاں مسیحی رومن کیتھولک فرقے دے موجودہ پوپ نیں۔ جرمنی وچّ اک روائتی باویریئن ٹبر وچّ پیدا ہوئے اتے اوہناں دے والد پولیس دے محکمے وچّ ملازم سن۔اوہ چوداں سال دی عمر وچّ ہٹلر دی تنظیم ‘ہٹلر یوتھ’ وچّ بھرتی ہوئے جویں اوس ویلے جرمنی دے ہر نوجوان اتے لازم سی۔ پر اوہ اس تنظیم دے کدی وی سرگرم رکن نہیں رہے سن۔اوہ جرمنی دے شہر ٹراسٹین دے اک مذہبی سکول وچّ اجے تلیم حاصل کردے سن جدوں دوسری جنگ عظیم توں پہلوں ایہناں نوں میونخ دے نیڑے اک ‘اینٹی ایئر کرافٹ’ یونٹ وچّ بھرتی کر لیا گیا۔ پر جنگ دے آخری دناں وچّ اونہاں نے جرمن فوج نوں چھڈّ دتا اتے انیں سو پنتالی وچّ کجھ دناں تیکر گٹھبندھن فوج دی قید وچّ رہے۔

کارڈنل ریتزنگر دی قدامت پسندانہ اتے روائتی سوچ انیں سو سٹھّ دی دہائی وچّ آزادی دی تحریک دے دوران ہون والے تجربات دے کارن ہور پختہ ہو گئے سن۔ انیں سو چھیاٹھ وچّ اونھاں نے تیوبنجن یونیورسٹی وچّ ’ڈوگمیٹک تھیؤلوجی‘ دی چیئر سمبھالی۔پر اوہ نوجوانان وچّ مارکسزم دے رجہانات ویکھ کے حیران رہِ گئے۔یونیورسٹی وچّ اوہناں دے اک خطبے دے دوران طلبا ولوں ہنگامے توں اوہ کافی پریشان ہوئے۔اوہناں دے خیال وچّ مذہب نوں سیاسی نظریات دے ہیٹھ کرنا اک ’ظالمانہ، بے رحمانہ اتے جابرانہ‘ کوشش ہے۔اوہ باویریا وچّ ریجنز برگ یونیورسٹی منتقل ہو گئے جتھے اوہ ڈین دے عہدے تکّ پہنچے۔ایہناں نوں اننیں سو ستتر وچّ پوپ پال چھٹے نے میؤنخ دا کارڈنل مقرر کیتا۔پوپ جون پال دوجے دے فوت ہون دے بعد 2005 وچّ پوپ بنے۔

ستمبر 2006 وچّ مسلماناں دے فلسفائے جہاد دے خلاف اونھاں اک بیان دتا۔ پوپ نے اسلام نوں تلوار دے زور نال پھیلن والا دین قرار دتا۔ اتے مزید کیہا کہ اسلام نے دنیا نوں تشدد دے سوا کجھ نہیں دتا۔(ایہ بیان اسدی جہالت واضع کردا وا)

حوالے[لکھو]