پیرا شاہ غازی

مزار پیرا شاہ غازی

پیرا شاہ غازی قلندردوراں عرف دمڑیاں آلی سرکار کھڑی شریف میرپور آزاد کشمیر

ولادت

پیرا شاہ غازی دمڑیاں آلی سرکار1665ء بمطابق1076ھ موضع بہرام ضلع گجرات چ پیدا ہوئے۔ اولیائے پنجاب دے مطابق منگلا دے قریب بڑل چ پیدا ہوئے پیرا شاہ غازی دے جد امجد بہرام (براھم جدے ناں نال چک براھم مشہور ہے)اہدے بڈے پتر پیرو دی اولاد وچوں چھویں پشت وچ نور محمد تے نکے پتر شیرو دی چھوتھی پشت وچ بختاور نے چک براھم وچوں ہجرت کر کے نور محمد ہزارہ پنجول چلے گئے تے بختاور دی اولاد چک ٹھاکر میرپور آزاد کشمیر آباد ہو گئے۔ ۔

ناں تے نسب

آپ دا ناں"پیرا والد دا ناں بختاور ہے"جنہاں دا تعلق گوجر قوم دی ذیلی شاخ پسوال دے گھرانے نال اے تے لقب پیرا شاہ غازی المعروف دمڑیاں آلی سرکار ہے ۔

نسب طریقت

انہہاں دا نسب طریقت خاندان قادریہ تے گروہ شاہ مقیم نال تعلق اے پیرا شاہ غازی،سید شاہ محمد امیر بالاپیر،سید شاہ محمد مقیم محکم الدین،سید جمال اللہ حیات المیر زندہ پیر،غوث صمدانی شیخ عبد القادر جیلانی۔تے بقول فقراء انہاں دی نسبت خضر علیہ السلام نال روحانی طورتے وی اے۔

القاب تے خطابات

سخی سرکار،شاہ شاہاں،پیر پیراں،دستگیر درماندگاں،راہنمائے گمراہاں،مشکل کشائے ہر دو جہاں،قطب الاقطاب،فرد الاحباب،پیران پیر،عالیجناب مست،مست ساز ،بادشاہ بے نیاز ،شیر بیشہ اولیاء،اوج کبریائی کے شہباز،شہادت پناہ،غازی پیر پیرا شاہ قادری۔غازی، المغازی، امیر العساکر۔

دمڑی والا ناں دی وجہ

ایک واری غوث الاعظم دی بارگاہ چ حاضر سن آپ نے فرمایا اے فقیراساڈی طرفوں تا قیامت اک لکھ ٹکہ وظیفہ مقرر کیتا جاندا اے جو مخلوق خدا تیرے لئی ہر روز نذر نیاز من کے پیش کیتا کرے گی انہاں نے عرض کیتی غریب نواز دنیاوی مال تے میرے کسی کم دا نیئں پرمیرے جانشین اس دولت دی وجہ توں اللہ دی یاد توں غافل رہن گے اس نوں کم کر دیو دوبارہ فرمایا سوالکھ روپے چوں سوالکھ دمڑی (اک پیسہ وچ چاریااٹھ دمڑیاں ہوندیاں نیں)تہاڈی نذر ہوویگی ایہہ ضرورت توں زیادہ وی نیئں تے نہ دین والے لئی بوجھ ہوویگی۔ ہن سوالکھ روپے لوکی غوث پاک دی نذر مندے نیں جس چوں سوالکھ دمڑی پیرا شاہ غازی دے ناں دی نذر ہوندی اے

وصال

آپ دا وصال 14شعبان1155ھ بمطابق1742ء ہویا تےکھڑی شریف چ دفن نیں وصال دا عدد "زہے پیر مردان حق پیرشاہ"