چواش کیپ دی لڑائی
چواش کیپ دی لڑائی (23 اکتوبر 1582ء) چ روسی سلطنت دی یرماک تیموفیئوچ دی قیادت چ مہم دی فتح تے خانان سائبیریا دے آخری خان کوچم خان دی شکست تے ختم ہوئی ، جس نال مسلماناں دی سائبیریا تے حکومت دا خاتمہ ہو گئیا ۔ ایہہ جنگ خانان سائبیریا دے راجکھر قاشلق [[عسکیر) دے نیڑے ہوئی سی ۔
سیاق و سباق[سودھو]
کوچم خان نے خانان سائبیریا دا اقتدار سمبھالدے ای روسی سلطنت دے نیڑلے علاقے پرم تے حملے شروع کر دتے ۔ تاجر ستروگانوو جس نے کوہ یورال دے ذخائر لبھے سن ، نے کاسکاں کول درخواست کیتی اوہ سائبیریائی تاتاریاں نوں اسدا جواب دین ۔ کاسکاں نے 540 سپاہیاں دا اک دستہ جہڑا ہتھاراں تے گولہ بارود نال لیس سی ، تیار کیتا ۔ اینہاں نال بعد چ 300 جرمن تے لتھوانی قیدی وی زار روس نے بھیج دتے ۔
قاشلق قلعہ بندی[سودھو]
.JPG)
قاشلق دی جنگ توں پہلے قلعہ بندی اینی چنگی نئیں سی محاصرے نوں دیکھدے ہوئے تاتاراں نے دریائے ارتش دے کنارے لڑائی لڑن دا فیصلہ کیتا تے اس علاقے چ جنگلات توں لک کے حملے کرن دی وی آسانی وی سی ۔ اگرچہ تاتاریاں دیاں توپاں میدان جنگ چ لائیاں گئیاں پر جنگ دے دوران اینہاں نے کوئی وی گولہ نئیں داغیا ۔
لڑائی[سودھو]
کاسک دریا دے کنارے پہنچ گئے تے سائبیریائی تاتاریاں تے بندوقاں نال فائر کرن لگے تے تاتاری اسدا جواب تیر برسا دے دین لگے ۔ روسی فائراں نال جنگل چ چھپے تاتاریاں دا بوہتا جانی نقصان نئیں ہوئیا ۔
سائبیریائی تاتاراں نے مامیتقل دی قیادت چ کاسک مہم تے جوابی حملہ کیتا ۔ کاسکاں نے مربع شکل چ خود نوں ترتیب دتا تے بندوقچی مرکز توں فائر کردے سن ۔ خنتی تے مانسی قبائلی جہڑے سائبیریا دی فوج دا اک حصہ سن ، زیادہ تر شکاری سن ، جنہاں نے کدے وی کسے جنگ چ جس چ مخالف فوجی بندوقاں نال لیس ہون ، حصہ نئیں لئیا سی ۔ اس لئی جنگ چ خانان سائبیریا دی شکست ہوئی ۔
اس شکست دی اک وڈی وجہ تاتاری فوج دا جدید اسلحہ نال لیس نال ہونا تے تربیت دی کمی سی ، جدوں کہ مخالف فوجاں تربیت یافتہ تے جدید ہتھیاراں نال لیس سن ۔