چِھلا

وکیپیڈیا توں
جاؤ: پاندھ, کھوج

چِھلا نیاݨا جمݨ نوں آکھیا جاندا اے۔ سواݨی دے گبھݨ ہوݨ توں 9 مہینے یا کچھ گھٹ یا ودھ چِر مگروں اوہدے ڈِھڈ چ نیاݨا بݨݨ آلی تھیلی چ نیاݨا تیار ہوجاندا اے تے گربھ اپݨے انت تے ہُندا اے۔ نیاݨا سواݨی دے ڈِھڈ چوں باہر کڈھیا جاندا اے۔ ایس کم نوں چھِلا آکھیا جاندا اے تے عام طور تے دای چِھلا کرواوندی اے۔

2920 Stages of Childbirth-02.jpg

چِھلے دے ڈھنگ[لکھو]

چِھلے دا سبھ توں عام ڈھنگ یوگ راہیں چِھلا اے۔ ایہدے چ ایہ حالتاں نیں: بچہ دانی دا مونھ گھٹنا، بچہ دانی کُھلنا تے تھلے ول جانا تے نیاݨے دا جنم تے زیر دا باہر آؤنا۔ پہلی حالت نوں اکثر 12 توں 19 گھینٹھے لگدے نیں، دوجی حالت نوں 20 منٹ توں 2 گھینٹھے تے تیجی حالت نوں 5 توں 30 منٹ لگدے نیں۔ پہلی حالت چ ڈھڈ یا پٹھ وچ کڑول پیڑاں نال شروع ہندی اے۔ ایہ لگ بھگ ادھے منٹ لئی تے ہر 10 توں 30 منٹاں وچ ہندیاں نیں۔ کڑول آلیاں پیڑاں تیز تے اکٹھیاں آؤندیاں نیں۔ دوجی حالت چ سنگڑن نال دھکنا ہو سکدا اے۔پیڑاں روکݨ واسطے کئی آرام دہ ٹکنیکاں، نشیلیاں دوائیاں تے کنگروڑ روک ورگے ڈھنگ نیں۔


بوہتے نیاݨے پہلاں سِر باہر آؤݨ نال جِمدے نیں پر ٪4 دے پہلاں پیر باہر آؤندے نیں۔ پیڑاں دے دوران عورتاں اپنی لوڑ دے مطابق عام طور تے کھاندیاں پیندیاں تے ٹہلدیاں نیں۔ پہلے حالت دے دوران یا سر دے پہلاں باہر آؤݨ دے دوران زور نہ لاؤݨ دی سفارش کیتی جاندی اے تے انیما (پیٹ صاف کرنا) دی سفارش نہیں کیتی جاندی۔