چھجا
چھجا چھت، کھڑکی یا روشندان توں اگے ودھواں حِصا ہُندا اے جیہڑا بارش تے دُھپ نوں روکݨ لئی بݨایا جاندا اے۔
ایہ وکھ وکھ فنکارانہ ڈیزائناں ناݪ، وڈیاں سپورٹ بریکٹاں دے سہارے نمایاں اے۔ ایہدے سائز وچ وی تغئیر دیکھیا جاندا اے، ایہدا انحصار عمارت دی اہمیئت یا ڈیزائنر دے اِنتخاب اُتے ہُندا اے۔
ایہدا فنکشن اوورہینگز Overhang یا ایوز eaves ناݪ مݪدا جݪدا اے جیہدے وچ ایہ داخلی رستےآں، ڈاٹاں تے کِھڑکیاں نوں باہرلے عناصر توں بچاؤندا اے تے سجاؤندا اے۔ چھت دے کچھ انداز نوں وی وڈا چھجا سمجھیا جا سکدا اے۔
چھجے دی اصل ترغیب دا پتا پراݨے ویلے توں دیہی تعمیراتی ڈیزائن ناݪ لایا جاسکدا اے، جِداں کہ بانس تے چھپر ناݪ بݨائی جاݨ آݪی پنڈ دی چعھونپڑی یا ٹعھارا اے جو اج وی پایا جاندا اے۔