ڈاک
ڈاک یا ٹپال، پوسٹ کارڈز، خطوط تے پارسل نوں جسمانی طور تے مُنتقل کرن دا اک نظام اے۔ دستاویزات یا سامان نوں عمومن چھوٹے لفافے وچ بَن٘د کرکے دُنیا بَھر وچ اپݨی منازل اُتے پہن٘چا کے حوالے کیتا جان٘دا اے۔ ڈاک دے نظام دے ذِریعے بھیجیاں جاݨ واݪیاں چیزاں نوں ڈاک کہیا جان٘دا اے۔
پوسٹل سروس سرکاری یا نِجّی ہوسکدی اے۔ ڈاک بھیجݨ دی پری پیڈ فِیس ہُن٘دی اے، ادائیگی دا ثبوت عام طور تے لفافے اُتے اک چِپکݨ واݪے ڈاک ٹِکٹ دی شکل وچ ہُن٘دا اے۔